Popular Bible Verses from Rom 12

Share

Murekye kushushanisibwa n'ab'ensi egi, kureka muhindurwe nimugarurwa busya omu biteekateeko byanyu, mubone kuhamya ebi Ruhanga ayenda: ebirungi ebirikusiimwa, kandi ebihikiire kimwe.

N'ahabw'ekyo, banyaruganda, nimbeshengyereza ahabw'embabazi za Ruhanga, muheyo emibiri yaanyu kuba ebitambo ebihuriire, ebirikwera kandi ebirkusiimwa Ruhanga; haza okwo nikwo kumuramya omu mazima.

Mushemererwe mwine amatsiko, mugumisirize muri omu busaasi, mugume mushabe obutoosha.

Otarisingurwa ekibi, kureka ekibi okisinguze ekirungi.

Mukundane na rukundo y'abanyaruganda; omu kuhaana ekitiinwa, buri muntu ayeshumbyeho okukiha mugyenzi we.

K'okukundana kwanyu kube okw'amazima. Mwangye ekibi, muhamire aha kirungi.

Ku kiraabe nikibabaasikira, mutuurane n'abantu boona n'obusingye.

Abakundwa, mutaryehoorera enzigu, kureka murekyere Ruhanga kucwa orubanja: ahabw'okuba kikahandiikwa kiti: Okuhoora enzigu n'okwangye; niinye ndihoora, nikwo Mukama arikugamba.

Omu bweziriki mutaryeganda, muheereze Mukama n'omutima ogushashaanukire.

Ahabw'omugisha ogu naahairwe, ningambira buri omwe omuriimwe okuteeteekateekaho okukira oku ari, kureka okweteekateekaho omu buryo buhikire buri omwe nk'orugyero rw'okwikiriza oku Ruhanga yaamuhaire rurikwingana.

Mutaryehoorera enzigu, kureka mute omutima aha kukora ebi abantu boona barikureeba ngu ni birungi.

Mutuurane mwine omutima gumwe; mutaryetunguura, kureka mugyendere hamwe n'abataine kitiinwa; mutarigira orwemanyo.

N'ahabw'ekyo omuzigu waawe ku ariba aine enjara, omuhe ekyokurya; ku arigira eiriho, omuhe ekyokunywa; ahabw'okuba omu kukora otyo, nooba omurunzire amakara garikwotsya aha nda.

Mushabire emigisha abarikubahiiganisa, mubashabire emigisha kandi murekye kubakyeena. Mushemererwe hamwe n'abarikushemererwa, murire hamwe n'abarikurira.

Muhe aha byanyu kukyenuura abarikwera, mukunire abagyenyi.

Ahabw'okuba nk'oku omu mubiri gumwe twinemu engingo nyingi, haza ezo ngingo zoona zitagira mirimo erikushushana, naitwe nikwo turi. Nobu turaabe turi baingi, kwonka turi omubiri gumwe omuri Kristo, kandi buri omwe n'orugingo rwa mugyenzi we.