Popular Bible Verses from Kush 8

Share

Omwana gw'Entaama ku yaabambwire akamanyiso ka mushanju, haabaho akaceceko omu iguru okumara nk'ekicweka ky'eshaaha.

Maraika w'okubanza yaateera enzamba ye, haabaho orubaare n'omuriro bijwangire n'eshagama. Ku byagwire ahansi omu nsi, kimwe kya kashatu ky'ensi kyasya, na kimwe kya kashatu ky'emiti n'obunyaatsi bwona obubisi byasya.

Ku naimukize nti amaisho, naahurira empungu neeyaniira munonga, neezeereerera hare omu kaabunga, neegira eti: Akagwe! Akagwe! Akagwe kaaza kugwera abari omu nsi, ezindi nzamba ku ziraagambe, ezi baamaraika abashatu bari haihi kuteera!

Maraika wa kabiri ku yaateire enzamba eye, ekintu kirikushusha orushozi ruhango kirikwaka omuriro, kyanagwa omu nyanja.

Maraika wa kashatu ku yaateire eye nzamba, enyonyoozi rwaiguuga yaahanantuka omu iguru neeyaka nk'orumuri, yaagwera kimwe kya kashatu ky'emigyera n'enshuro z'amaizi. Eiziina ry'egyo nyonyoozi ni Muravunga. Mpaho kimwe kya kashatu ky'amaizi kyacweka omuravunga, abantu baingi baafa ahabw'okunywa ago maizi, ahabw'okuba gakahindurwa agarikushaarira.

Maraika wa kana ku yaateire enzamba ye, kimwe kya kashatu ky'eizooba kyateerwa, hamwe na kimwe kya kashatu ky'okwezi, na kimwe kya kashatu ky'enyonyoozi. Ekyarugiremu: kimwe kya kashatu ky'okwaka kwabyo kyazima, kimwe kya kashatu kya nyomushana tikyahweza, na kimwe kya kashatu kya nyekiro kyaba kityo.