Popular Bible Verses from Kush 3

Share

Reeba, nyemereire aha rwigi niinyiguza. Omuntu weena ku araahurire eiraka ryangye, yaigura orwo rwigi, niinyija kutaahamu, ndye hamwe nawe, nawe arye hamwe naanye.

Nimmanya ebi okora: torikufuka kandi torikwotsya. Haakiri kuri waafukire nari okootsya! Kwonka ahabw'okuba ori ekihorootsyo, otarikufuka nobu kwakuba okwotsya, niinyija kukutanaka, ondugye omu kanwa!

Abu nkunda mbateisa, kandi mbahana. Mbwenu gira omuhimbo, oyegarukyemu.

Nimmanya ebi okora: Reeba, naakuta omu maisho orwigi rwigwire, orutarikubaasa kukingwa muntu weena. Nimmanya ku ogira amaani makye, kwonka kandi okarinda ekigambo kyangye, tiwayehakana iziina ryangye.

Orikusingura, ndyamwikiriza kushutama naanye aha kitebe kyangye ky'obukama, nk'oku naanye naasingwire, nkashutama na Tata aha kitebe kye ky'obukama.

Manya noogira oti: Ndi omutungi, ngogyeire, tiinyine ki nkyenire. Haza kunu otarikumanya ku ori omunaku, ow'okugirirwa esaasi, omworo, empumi kandi ojwaire busha.

Nk'oku waarinzire ekigambo kyangye ekirikugira kiti: Gumisiriza nooyehangaana; naanye ndyakurinda, orekye kuhikwaho obunaku bw'okugyezibwa okuribaho omu nsi yoona kugyeza abagitwiremu.

Reeba, niinyija juba; hamiza kimwe eki oine, hatakaagira owaakwaka ekirunga kyawe.

Sisiimuka ohamye ebikitsigaireho ebiri haihi kufa. Manya omu bi orikukora, tinkareebiremu kintu kyona ekihikiire kimwe omu maisho ga Ruhanga wangye.