Popular Bible Verses from Kush 22

Share

Niinye Alufa kandi Omega, ow'okubanza kandi ow'aha muheru; obutandikiro kandi obugarukiro.

Yesu yaagira ati: Reeba, niinyija juba! Nyine enzimuurano kuzimuurira omuntu weena ahabw'ebi yaakozire.

Mutima hamwe na Mugore nibagira bati: Ija! Ka weena orikuhurira ebi, agire ati: Ija! Ka weena oine eiriho aije! Ka weena orikwenda amaizi g'amagara, agatungire busha!

Baine omugisha aboozya ebijwaro byabo, bakaikirizibwa kurya ebijuma by'aha muti gw'amagara, n'okutaaha omuri orwo rurembo nibareetwa omu marembo.

Haza yaagira ati: Reeba, niinyija juba! Aine omugisha orikukuratira gye ebigambo by'oburangi eby'omu kitabo eki.

Haza okwo tiburiira bundi, tibaryetenga kwakirwa etabaaza nari eizooba, kureka Mukama Ruhanga niwe aribaakira; haza baryategyeka obutwire bwona.

Orikuhamya ebyashuuruurwa ebyo byona, naagira ati: Buzimazima, niinyija juba! Amiina! Ai Mukama Yesu, ija! Embabazi za Mukama Yesu zigume naimwe mwena. Amiina.

Nyowe Yohaana, niinyehanangiriza omuntu weena orikuhurira ebigambo by'oburangi ebiri omu kitabo eki nti: Weena owaakubyongyeraho, Ruhanga aryamwongyera ebibonaboneso ebyagambwaho omuri eki kitabo. Kandi ku haakugira owaihaho ebigambo ebimwe eby'omu kitabo ky'oburangi obu, Ruhanga aryamwaka omugabo gwe ogw'aha muti gw'amagara n'ogw'omu rurembo orurikwera, ebyagambwaho omuri eki kitabo.