Popular Bible Verses from Fil 3

Share

Banyaruganda, tindikugira ngu ekyo naakitungire, kureka eki ndikukora ni kimwe kyonka, niinyebwa ebindi enyima, ninkununkiriza ebindi omu maisho. Ntyo ningumizamu kuhika aha kirikuhakanirwa, ngu mbone kutunga ekihembo ky'omu iguru, nigo magara agatahwaho, agu Ruhanga yaanyeteire omuri Kristo Yesu.

Eki ndikwenda n'okumanya Kristo, nkamanya n'amaani g'okuzooka kwe, nkakwatanisa nawe omu kubonabonesibwa, nkashushana nawe omu kufa kwe; kandi ku kiribaasika, mpikye n'aha kuzooka omu bafiire.

Buzimazima nimbara ebintu byona kuba ebifiire ahabw'omugasho ogurikukirira kimwe, nigwo ogw'okumanya Kristo Yesu Mukama wangye. Ahabwe nyowe nkaikiriza kufeerwa ebintu byona naabyeta efa, ngu mbone kutunga Kristo

Kwonka ebyo ebyabaire biri eby'omugasho ahariinye nkabyeta ebifiire aha bwa Kristo.