Popular Bible Verses from Mar 6

Share

Nawe yaabagira ati: Nimwirooko, muze omu mwanya gwehereire, muhuumureho; ahabw'okuba obwo abantu baingi bakaba nibaija kandi nibagyenda, abatendekwa bataine mwanya nobu gwakuba ogw'okurya.

Yesu nikwo kubagira ati: Omurangi, ahandi hoona aheebwa ekitiinwa, kureka omu kyanga ky'owaabo, omu baabo n'omu ka ye.

Ku yaarugire omu bwato, yaareeba ekimbuuro ky'abantu, yaabagirira esaasi, ahabw'okuba bakaba bari nk'entaama zitaine muriisa; atyo yaatandika kubeegyesa bingi.

N'ahabw'ekyo tiyaabaasa kukorerayo by'amaani, kureka okukiza abarwaire bakye naabataho engaro. Yaatangaara ahabw'okutaikiriza kwabo. Mpaho yaagyenda naaraba omu byaro naayegyesa.

Atyo akwata egyo migaati etaano, n'ebyo byenyanja bibiri, aimutsya amaisho, areeba ahaiguru, asiima; egyo migaati agicwamu ebicweka, agiha abatendekwa be kugigaburira abo bantu; n'ebyenyanja byombi abibaganisiza atyo boona. Boona barya, bahaaga. Bwanyima batorotoora oburagarika bw'emigaati n'obucweka bw'ebyenyanja, bwijuza ebitenga ikumi na bibiri.