Popular Bible Verses from Mat 5

Share

Kandi abantu tibahemba tabaaza bakagijuumikira ekiibo, kureka bagita aha kikondo, ngu emurikire boona abari omu nju. Mbwenu omushana gwanyu gugume gujwere gutyo abantu, babone kureeba ebirungi ebi murikukora, bahimbise Shoimwe ow'omu iguru.

Imwe muri omushana ogujwera ensi. Manya orurembo orwombekirwe aha kibungo tirweshereka.

Baine omugisha ab'emitima eshemeire, ahabw'okuba baryareeba Ruhanga.

Baine omugisha abagira enjara n'eiriho kukora ebi Ruhanga akunda, ahabw'okuba baryahaaga.

Kwonka nyowe nimbagambira nti: Mukunde abazigu baanyu, mushabire abarikubahiiganisa

Baine omugisha abakyene omu mutima, ahabw'okuba obukama bw'Ow'omu iguru n'obwabo.

Baine omugisha abagarukanisa abantu bakagira obusingye, ahabw'okuba baryayetwa abaana ba Ruhanga.

Baine omugisha abarikuganya, ahabw'okuba baryahuumurizibwa.

Baine omugisha abahiiganisibwa nibaturwa okukora ebi Ruhanga akunda, ahabw'okuba obukama bw'Ow'omu iguru n'obwabo.

Baine omugisha abanyambabazi, ahabw'okuba nabo baryazigirirwa.

Imwe mwine omugisha abantu ku baribahiiganisa, kandi ku baribabeiherera ekintu kyona ekibi nibabantura. Mushemererwe kandi munanukye, ahabw'okuba ekihembo kyanyu omu iguru ni kihango; manya nikwo baahiiganiise batyo abarangi abaababandiize.

Baine omugisha abacureezi, ahabw'okuba nibo baritunga ensi.

Imwe muri omwonyo gw'ensi; beitu omwonyo ku gwakuhwamu ensha, egyo nsha ekaagarurwamu eta? Guba gutakiine mugasho, kureka okunagwa aheeru, abantu bakaguribatiirira.

N'ahabw'ekyo nu, mube abahikiire kimwe, nka Shoimwe ow'omu iguru oku ari ohikiire kimwe.

Kureka eki muraagambe kibe, eego, nari ngaaha; kyona ekirenzya ahari ebyo kiruga aha Mubi.

Mukahurira ku kyagambirwe kiti: Eriisho ririhwe eriisho n'eriino ririhwe eriino. Kwonka nyowe nimbagambira nti: Otaryangira omubi. Kureka weena orikuteera oruhi omushaya gwa buryo, omuhindurire n'ogundi.

Mbwenu eriisho ryawe rya buryo ku riraabe nirikureetera kukora ekibi, riihemu, orinagye; haakiri iwe okufeerwa orugingo rwawe rumwe, okukira omubiri gwawe gwona okunagwa okuzimu omu muriro. Omukono gwawe gwa buryo ku guraabe nigukureetera kukora ekibi, gutemeho, ogunagye; haakiri okufeerwa orugingo rwawe, okukira omubiri gwawe gwona okunagwa okuzimu omu muriro.