Popular Bible Verses from Mat 16

Share

Bwanyima Yesu akagambira abatendekwa be ati: Omuntu weena orikwenda kunkuratira, ayeyogye, ayekorere omusharaba gwe, haza ankuratire.

Naanye ninkugambira nti: Niiwe Petero kandi ahari orwo rukiri, niho ndyombeka ekigombe ky'abaikiriza bangye, n'amaani ga rufu tigarikibaasa.

Ndyakuha ebikomoorozo by'obukama bw'Ow'omu iguru; kyona eki orikoma omu nsi, kiryakomwa n'omu iguru; kandi kyona eki orikomoorora omu nsi, kiryakomoororwa n'omu iguru.

Ahabw'okuba weena okiza amagara ge, aryagafeerwa; kwonka weena ohayo amagara ge ahabwangye, aryagagarurirwa.

Mbwenu omuntu kiryamugasira ki okukubuura ensi yoona haza akafeerwa amagara ge? Nari omuntu akaahayo kintu ki kucungura amagara ge?

Agaruka agira ati: Kwonka shi imwe, nimugira ngu ndi oha? Simooni Petero amugarukamu ati: Ori Kristo, Omwana wa Ruhanga ohuriire.

Yesu amugarukamu ati: Simooni mwene Yona, oine omugisha; ahabw'okuba owaakikushuuruurira ti muntu nyabuntu, kureka Tata ori omu iguru.