Popular Bible Verses from Kur 20

Share

Niinye Mukama Ruhanga owaakwihire omu nsi ya Misiri, omu nju y'obuhuuku. Otarigira baaruhanga abandi abatari nyowe.

Otaryekorera ekishushani kisharwire, nari ekishushani ky'ekindi kintu kyona ekiri ahaiguru omu iguru, nari ekiri ahansi omu nsi, nainga ekiri omu maizi ahansi okuzimu. Otaribiramya, nobu kwakuba okubiheereza, ahabw'okuba Nyowe Mukama Ruhanga waawe mba Ruhanga w'eihato, nfubira abaana ab'oruzaaro rwa kashatu n'ab'orwa kana nimbatura ebibi bya baishenkurubo abaanyanga.

Otiine sho na nyoko, ebiro byawe bibone kuba bingi omu nsi ei Mukama Ruhanga waawe yaakuhaire.

Guma oijukye ekiro kya Sabato, okirinde kiri ekirikwera.

Otarirahirira busha eiziina rya Mukama Ruhanga waawe, ahabw'okuba taribura kufubira omuntu owaarahirira busha eiziina rye.

Oryaguma okore omu biro mukaaga emirimo yaawe yoona, haza ogiheze. Kwonka ekiro kya mushanju n'ekiro ky'okuhuumuriraho, ekya Mukama Ruhanga waawe. Otarikikoreraho omurimo gwona, iwe nari mutabani waawe, nari muhara waawe, nari amatungo gaawe, nobu yaakuba omunyamahanga otwire omu ka yaawe.

Otaryetenga enju ya mutaahi waawe. Otaryetenga muka mutaahi waawe nari omuheereza we, nainga omuzaana we; nari ente ye, endogoya ye, nainga ekintu kyona ekya mutaahi waawe.

Otaribeiherera mutaahi waawe.

Otarishambana.

Otariita.

Otariiba.