Popular Bible Verses from 1 Pet 4

Share

Okukira byona, mugume nimukundana mutarikuhararukana, ahabw'okuba rukundo eshwekyerera ebibi bingi.

Nk'oku buri omwe yaahairwe ekiconco, mubihweresane nk'abaakwatsiibwe okugaba emigisha ya Ruhanga etari emwe.

Weena oine eky'okugamba, agambe ebi Ruhanga amushuuruuriire. Weena orikuheereza, aheereze n'amaani agu Ruhanga amuhaire, omuri byona Ruhanga abone kuhimbisizibwa omuri Yesu Kristo, oheebwa ekitiinwa n'obutegyeki ebiro byona. Amiina.

kureka oraabonabonesibwe ahabw'okuba Omukristo, arekye kwitwa enshoni. Haakiri ahimbise Ruhanga, ahabw'okwetwa eryo iziina.

Emperu ya byona eri haihi. N'ahabw'ekyo mugume mwerinzire nimwebarira, mubone kubaasa kushaba Ruhanga.

Abakundwa, mutatangaazibwa omuriro ogurikubagyeza, mukaba nk'abaagwerwa akagwe. Haakiri mushemererwe, ahabw'okuba mukwataniise na Kristo omu kubonabona kwe. Reero ekitiinisa kye ku kirishuuruurwa, nabwo mubone kushemererwa n'okunanuka.

Mukunirane mutarikunyomwa.

N'ahabw'ekyo ababonabona nk'oku Ruhanga asiimire, bagume nibakora gye, kandi bakwatse amagara gaabo Omuhangi omwesigwa.

Nk'oku Kristo yaabonabonesiibwe omu mubiri, naimwe mwegumye mwine omutima nk'ogwe. Manya weena obonabona omu mubiri aba atakikora bibi, ngu abone kumara ebiro bye ebitsigaire akiine omubiri, atakitegyekwa kwetenga okubi okw'abantu, kureka ebi Ruhanga akunda.

Ku muraajumwe ahabw'eiziina rya Kristo, mwine omugisha; ahabw'okuba Mutima ow'ekitiinwa, Mutima wa Ruhanga, ari ahariimwe.