Popular Bible Verses from 1 Pet 1

Share

Ruhanga, Ishe wa Mukama waitu Yesu Kristo, ahimbisibwe! Ahabw'embabazi ze enyingi akatuzaara busya, ngu tugire amatsiko agahuriire ahabw'okuzoorwa omu bafiire kwa Yesu Kristo. Ekyo nikitureetera amatsiko g'okutunga obuhunguzi obutaribaasa kuhwerekyerera, nobu kwakuba okusiisikara kandi obutarikuhunduuka, obu Ruhanga yaababiikiire omu iguru.

Mbwenu ebyo mubishemerererwe, nobu muraabe hati nimumara akaanya kakye nimubonabonesibwa ebigyezo bitari bimwe. Ebyo bigyezo n'eby'okwenda kuhamya ku okwikiriza kwanyu kuri okw'amazima. Manya n'ezaabu esiisikara, egyezibwa omuriro. N'okwikiriza kwanyu, okw'obuguzi bwingi okukira ezaabu, n'okw'okugyezibwa, ngu kubone kuhama. Reero obwo nibwo murisiimwa, mukaheebwa ekitiinwa kandi mukasingizibwa ahari ekyo kiro eki Yesu Kristo arishuuruukiraho.

kureka mube abarikwera omu mitwarize yaanyu yoona, nk'oku Ruhanga owaabeetsire ari orikwera. Manya kikahandiikwa kiti: Mube abarikwera, ahabw'okuba ndi orikwera.

Nk'abaana abarikuhurira, murekye kushushana nk'oku mwabaire nimukitegyekwa okwetenga kubi okw'obushema bwanyu obwa ira

N'ahabw'ekyo mwezirikye mutaireho omutima, mwerinde muteere kimwe amatsiko aha migisha ei muriheebwa obu Yesu Kristo arireebeka.

Manya ekyahandiikirwe nikigira kiti: Kyona ekyeetwa omuntu ni nk'obunyaatsi, n'oburungi bwakyo bwona ni nk'orurabyo rwabwo. Obunyaatsi buhonga, n'orurabyo ruhunduura. Kwonka ekigambo kya Mukama kigumaho ebiiro byona. Ekyo kigambo nigo Makuru Marungi agu mwarangirirwe.