Popular Bible Verses from 1 Yoh 2

Share

Mutarikunda ensi, nobu byakuba ebintu ebigirimu. Omuntu weena ku akunda ensi, okukunda Taata kuba kutamurimu. Ahabw'okuba kyona ekiri omu nsi okururuuha kw'omubiri, n'okwetenga kubi okw'amaisho, n'okwesiimiranira eitungo tibiruga hari Taata, kureka biruga omu nsi.

Haza ensi ehwaho hamwe n'ebyayo ebi abantu beetenga; kwonka okora ebi Ruhanga akunda, agumaho ebiro byona.

orikwegamba ngu atuura omuri Ruhanga, ashemereire kutwaza nka Yesu Kristo oku yaabaire atwaza.

Baana bangye abakundwa, ebi naabibahandiikira ngu murekye kukora ebibi. Kwonka omuntu weena ku araakore ekibi, amanye ku twine orikututonganira ahari Taata, niwe Yesu Kristo ohikiriire.

Orikwegamba ati: Nimmumanya, haza akagomera ebiragiro bye, aba ari omubeihi, kandi omuriwe haba hatarimu mazima.

Ku tworobera ebiragiro bya Ruhanga, nibwo tuhamya ku turikumumanya.

Orikwegamba ngu ari omu mushana, haza akanga omunyaruganda, biri akiri omu mwirima.

Mbwenu omubeihi n'oha? T'ogwo ohakana naagira ati: Yesu ti Kristo? Omwangizi wa Kristo n'oyehakana Taata na Mwana.

Tihariho oyehakana Mwana, akagira ati: Taata. Weena oyatura ku arikwikiriza Mwana, biri aine Taata.