Popular Bible Verses from 1 Kor 13

Share

Rukundo egumisiriza kandi egira embabazi. Rukundo tegira ihari nari emyehimbiso; teyetuguura nari okugira ekikabuko. Rukondo teyeyendeza, tegwisibwa kubi busha, tegira nziika

Rukundo eyemera byona, eikiriza byona, egira amatsiko ahari byona, egumisiririza byona.

teshemerererwa kutahikiirira, kureka eshemerererwa amazima.

Mbwenu ebigumaho n'ebi byonshatu: okwikiriza n'amatsiko na rukundo; kwonka ekirikubikira ni rukundo.

Rukundo tehwaho, kwonka oburangi bwo buryahwaho, endimi zirugyeho n'okumanya kuhweho.

Nobu naakugamba endimi z'abantu nangwa n'eza baamaraika, kwonka ntaine rukundo, nkaaba ndi nk'ekyoma ky'omuringa ekirikurangira, nari nk'enshandaazo erikushandaaza kubi eiraka.

Nobu naakuba nyine ekiconco ky'oburangi, nkamanya amabanga goona, nkagira okwetegyereza kwona, kandi nobu naakuba nyine okwikiriza kwona okwakumbaasisa kuhigura enshozi, kwonka ntaine rukundo, nkaaba ntari kantu.

Nobu naakugabira abooro ebi nyine byona kubariisa, kandi nobu naakuhayo omubiri gwangye kwokibwa, kwonka ntaine rukundo, tikiine ki kyakungasira.

Obu naabaire ndi omwana, nkaba ngamba nk'omwana, nyetegyereza nk'omwana, nteekateeka nk'omwana; kwonka ku naakuzire naareka eby'obwana.