Popular Bible Verses from Wurɔmiyé 10

Share

A ki yē muɔ 'jáa nɛ̀ ki juu nɛ̀ yige muɔ nyuɔ nī gè nɛ́ jo dí Zezi wire wī Kàfɔli wè, nɛ́ ń'nɛ̀ tɛ́ngɛ ki nɛ̄ muɔ fungo nī gè dí Kulocɛliɛ wi 'wi nyɛ́ nɛ̀ yige kúbilo sunʔɔmɔ nī bè, muɔ bé suɔ.

Nɛ̀ taʔa gíi nɛ̄, tɛ́ngɛlɛ náà nī siɛn mɛ́ fungo nī gè, lire ni nyɛ́ni siɛn kpínʔini sínwɛ; a siɛn 'ki juu nɛ̀ yige wi nyuɔ nī gè, Kulocɛliɛ nɛ̂ wi suɔ.

Nɛ̀ sí ki taa gìi siɛn sî lúʔu gè, kire ki báan nɛ́ tɛ́ngɛlɛ ní lè; gìi siɛn sî lúʔu gè, kire 'nyaa Kirisi wori dè.

Ki 'nyaa Kulocɛliɛ siɛnsɛbɛrɛ ti 'ki juu nɛ́ jo: Siɛn ó siɛn wi 'tɛ́ngɛ wi nɛ̄ wè, fìɛrɛ sǐ tɔ́n ki siɛn nɛ̄ wèʔ . Nɛ̀ taʔa gíi nɛ̄, wàlimɛ wè baa Zuufulo nɛ́ Girɛki wuulo ní bèleʔ: ki 'nyaa Kàfɔli nigbe wī pe mìɛni nɛ̄, nɛ̀ pínɛ bìli pe mìɛni pe nyɛ́ni wi yeri bèle, wiī nɛ pe kanʔa nìʔɛgɛ. Ki 'nyaa: A siɛn ó siɛn 'Kàfɔli wi míʔɛ yeri gè, siɛn wi bé suɔ .

Mɛni sí ti bé gbɛ̀ jáari bè síɛ, a piyè siɛn tun wèʔ ? Nɛ̀ yɛli nɛ́ gàa gī baa Kulocɛliɛ siɛnsɛbɛrɛ nī dè, ti 'jo: «Bìli pe nyɛ́ni katanʔana nyu gèle pe pɛngɛnnɛ ni 'nyuɔ díɛ  !»

A piyè sí tɛ́ngɛ wi nɛ̄ wèʔ, mɛni pe bé gbɛ̀ wi yeri bè síɛ ? Nɛ̀ pínɛ, a piyè wi wori lúʔu dèʔ, mɛni pe bé gbɛ̀ tɛ́ngɛ wi nɛ̄ bè síɛ ? Mɛni sí wi wori ti bé gbɛ̀ lúʔu, a siɛn sì ti jáari wè ?

Nɛ̀ sí ki taa Kirisi wire wī Fànʔa Siɛnrɛ ti foridiʔɛ gè, gìi ki bé tí bìli pe mìɛni pe 'tɛ́ngɛ bèle, pe- Kulocɛliɛ sínmɛ taa bè.