Popular Bible Verses from Ŋúnuyɔ 37

Share

‑Yewe kaala yaʔa lè ni‑ muɔ nyùgo cò gè, kire ga buu wi bé muɔ funzɔngirɔ kele fori gèle.

‑Muɔ mbànʔa kele le gèle Yewe kiyɛ nī, ma muɔ sɔ̀ngirɔ taʔa dè wi nɛ̄; wi bé muɔ sáʔa.

‑Ki kpàri ma cò Yewe yiʔɛ mɛ́ gè, má pìiri, ‑muɔ fungo nyígi gè, má wi sige nɛ́ tɛ́ngɛlɛ ní. Fǎga muɔ fungo wárigɛ gè siɛn kúruguʔ ŋàa kele ke nyuʔɔ wi sìi nī wèʔ, nɛ́ ŋìi kúrugu ŋàa wi kele nùʔɔrɔ́ gèle nɛ kpínʔini gèleʔ !

‑Muɔ sɔ̀ngirɔ taʔa dè Yewe nɛ̄, mari kacɛ̀ngɛ kpínʔini, ma tɛ́ni kùlo nī lè, mari líi yanyige nɛ̄.

A siɛn ŋíì tánʔagɛnmɛ pi 'Yewe dɛ́ni wè, wi nìɛ wi yedaʔala lìrí gèle koligo nɛ̄ gè. A wi 'kúrugo wè, wi nɛ̌ láʔa duuʔ, nɛ́ ki cɛ́n Yewe nyɛ́nì wi cò kɔli nɛ̄ gè.

Wi bé muɔ sínmɛ tìɛ bè bɛ̀ kpìɛnmɛ tíɛlɛ, wi bé muɔ tànʔa yige gè bɛ̀ cɛnvunyiɛnɛ cɛngɛ tíɛlɛ.

‑Funyɛrigɛ yaʔa gè, ‑fundanʔanigɛ wáa gè; fǎga muɔ fungo yɛ̀gɛ gèʔ, nɛ́ ki cɛ́n ki kúɔgɛnmɛ piǐ ga nyuɔʔ !

Bà mi 'puu nàgapunwɔ wè, a mi kɛ́nì pɛ́nì liɛ wè, miì fìɛ siɛnsinwɛ nyaa wè a Yewe wi 'yaʔaʔ, nɛ́ wi pìile ní bèle, bàli pe 'pe tíimɛ yaliire caa dèʔ.

Fǎga muɔ fungo wárigɛ gè kapiigbiʔilile kúrugu bèleʔ; fǎga ki yaʔa yejaʔa‑ puu muɔ nī pe kɔli mɛ́ gèʔ, bàli pe kacuʔɔgɔlɔ kpínʔini gèle !