Popular Bible Verses from Ŋúnuyɔ 139

Share

M'béri muɔ gbùʔɔrɔ́, nɛ́ ki cɛ́n muɔ 'mi sɔ́migɔ nɛ̀ faan a mi 'nyuɔ nɛ̀ tóri. Muɔ kakpiʔiligele kiyē funwuɔrɔ wuʔulo, mi 'ki sɔ́migɔ nɛ̀ cɛ́n.

Kulocɛliɛ, ‑mi cɛli ma wéli, ma mi fungo cɛ́n gè ! ‑Mi siʔɛ ma wéli ma mi laabiɛnmɛ cɛ́n bè ! ‑Ki wéli a ki yē mi yē kobiʔi nɛ̄ gè, ma mi yiʔɛ kíni gè bànguɔ koligo nī gè !

Muɔ ma 'mi fungo faan gè, muɔ ma mi 'tìin mi yàa liyɛ nī yè.

Lɛ̀lɛ líì nī mi céri tiì cé fìɛ gbòbori dèʔ mi yàa liyɛ nī yè, muɔ nyapigele ke 'puu nɛ mi nyaʔa. Muɔ cé mi sìi cɛnyɛ sɛbɛ yè nɛ̀ kúɔ muɔ sɛbɛkuruwo nī wè, cɛnyɛ nyáà nyuɔ mi yé yɛli bè kúɔ yè, nɛ̀ ki yaʔa yire yàa fáala sì cé fìɛ puu bileʔ.

Yewe yo, muɔ 'mi laamɛ siʔɛ bè nɛ̀ wéli, nɛ́ mi sɔ́migɔ nɛ̀ cɛ́n.

Sé sí m'bé gbɛ̀ kɛ́ liilige muɔ Pìle nɛ̄ lè ? Sé m'bé gbɛ̀ fɛ̀ bè kɛ́ liilige muɔ yiʔɛ mɛ́ gè ?

Muɔ wè, muɔ 'ki cɛ́n lɛ̀lɛ líì nī mi nɛ̂ tɛ́ni wè nɛ́ lɛ̀lɛ líì nī mi nɛ̂ yɛ̀ wè. A muɔ cɛ yē liʔi, muɔ nɛ mi sɔ̀ngirɔ cɛ́n dè.

Cí ! Nyasiɛnkaanna niì cé fìɛ yiri mi nyuɔ nī gèʔ nɛ̀ ki yaʔa, Yewe, a muɔ 'ni cɛ́n nɛ̀ kúɔ.

Muɔ nɛ̂ mi wéli a mi nɛ tári koligo nɛ̄ gè, nɛ́ míɛni a mi sìnɛ́ wè. Muɔ 'ki cɛ́n kele gálì ke mìɛni mi nɛ kpínʔini gèle.