Popular Bible Verses from Matiye 19

Share

A Zezi wi 'nyapigele le gèle pe nī nɛ̀ pe wéli nɛ́ pe yɛ: «Siɛnnɛ mɛ́ bèle, kiǐ gbɛ̀ kpíʔileʔ, nɛ̀ sí ki taa yakaa sì Kulocɛliɛ jáaʔ.»

Kire nɛ̄ ki ní wè tíin pe- jo piyē siin wīʔ, ki 'nyaa piyē cetinnɛ nigbe wī. A Kulocɛliɛ sí gìi pínɛ gè, siɛn fǎga ki láʔa kìi nɛ̄ʔ.»

A Zezi wi sí pe yɛ: «Yeli sì ki 'nyaa baa Kulocɛliɛ siɛnsɛbɛrɛ nī dè léʔ, dí sélimɛ nɛ̄ bè wi cé pe faan nàguɔ nɛ́ cɛliwɛ lé ? Nɛ́ sí jo, dí: ‹Kire nɛ̄ a nàguɔ cɛliwɛ líɛ wè, wire nɛ́ wi cuɔ ní wè pe bé bìɛ bè tóri wire nɛ́ wi tuu nɛ́ wi yàa nɛ̄ wè; wi bé wi cuɔ cò wè kányiʔɛ ní, pe siin pe bé puu cetinnɛ nigbe.›

A Zezi wi sí pe yɛ: «Ye- pìile yaʔa bèle peri báan mi kúrugu, ye fǎri pe cìráʔ. Nɛ̀ taʔa gíi nɛ̄, siɛnnɛ bílì kɛnmɛ bī bɛ̀ pe tíɛlɛ bèle, peli wuʔu gī Nyìʔɛnɛ Kùlofɔligɔ gè.»

Nɛ̀ sí ki taa nìʔɛnɛ yē pélile pàngɛ gè, pe nìʔɛnɛ bága puu kàdotɔnminɔ, dí kàdotɔnminɔ nìʔɛnɛ sí puu pélile.»

«Nɛ̀ pínɛ a siɛn ó siɛn 'wi saʔa, nɛ́ wi siinyɛninɛ nàguɔlɔ nɛ́ cɛlilɛ, nɛ́ wi tuu, nɛ́ wi yàa, nɛ́ wi pìile, nɛ́ wi siiye yaʔa mi míʔɛ kire kɛnmɛ nɛ̄ bè, siɛn wi bé ki feliye dabataan taa, bé míɛni bànguɔ sìi taa wè kɔrigɔ.

A Zezi wi 'wi yɛ: «A muɔ nɛ caa bè puu cɛ̀nwɛ bè paʔa wè, te waa ma sa muɔ kɔliyɛrɛ pári dè, ma wali kɛn wè fɔ̀ngɔfɔlilɔ mɛ́, bɛ̀ muɔ bé lɔri taa nyìʔɛnɛ nī lè. Píra ŋáà nī wè má pa taʔa mi nɛ̄.»

A Zezi wi 'wi yɛ: «Gáa nɛ̄ muɔ nɛ mi yúgo nɛ́ gìi gī cɛ̀ngɛ gè ? Wàa nigbe wī cɛ̀nwɛ wè. A muɔ sí nɛ ki caa bè jíin bànguɔ sìi nī wè, mari tári Kulocɛliɛ kajuʔulo nɛ̄ gèle.»

Nɛ̀ pínɛ m'bé ki juu yeli mɛ́, kiī fáari nyuʔɔmɔ mɛ́ wi- sùuri mísɛni kàwiile nī, nɛ̀ tóri lɔrifɔli nɛ̄ wi sa jiin Kulocɛliɛ Kùlofɔligɔ nī gè.»

M'bé sí ki juu yeli mɛ́, a nàguɔ ŋíì 'wi cuɔ yaʔa wè, a kiì nyaa nàjaara kɛnmɛ nɛ̄ wī wèʔ, nɛ́ koli nɛ̀ wàa líɛ wè, wi 'ceyuugo kpíʔile.»

A Zezi wi sí ki juu wi pìtɛnmɛnɛ mɛ́ bèle nɛ́ pe yɛ: «M'bé ki juu yeli mɛ́ kányiʔɛ nɛ̄, kiī gbɛ̀ligɛ lɔrifɔli mɛ́ wi- jiin Nyìʔɛnɛ Kùlofɔligɔ nī gè díɛ !