Popular Bible Verses from Sélimɛ 50

Share

Yeli puu nɛ sɔ̀ngí bè kapiʔi kpíʔile mi nɛ̄, á Kulocɛliɛ sí 'puu nɛ caa bè kacɛ̀ngɛ kpíʔile, bè siɛnniʔɛnɛ suɔ, gàa ki 'kpínʔini pàngɛ gè.

A Yusufu sí pe yɛ: «Ye fǎga de fìʔɛ́ʔ ! Mi yē lé Kulocɛliɛ sìndiʔɛ nī bè kàyuʔu juu yeli nɛ̄ ?

Kire nɛ̄, ye fǎga de fìʔɛ́ʔ. M'béri yeli wéli kire ga buu yakaa fǎga yeli laaʔ, nɛ́ yeli pìile ní bèle.» Bà ki 'kpíʔile a Yusufu 'gbùʔɔrɔ nɛ̀ juu nɛ́ pe ní, nɛ̀ pe funyɔ nyígi yè.

nɛ́ jo we‑ pa juu nɛ́ muɔ ní, we‑ jo: ‹Cí ! Mi nɛ muɔ fiɛn wī, ma ki yaʔa muɔ lɔbilɔ nɛ̄ bèle tuudiɛlɛ náà pe 'kpíʔile muɔ nɛ̄ lè, nɛ́ kapiile ní lè, nɛ́ ki cɛ́n pe nyɛ́nì sìpiimɛ kpíʔile muɔ nɛ̄.› Píra ŋáà nī wè, weli nɛ muɔ náari wī, ma ki yaʔa weli nɛ̄ kacuʔɔlɔ náà weli 'kpíʔile muɔ nɛ̄ lè, weli bálì bīɛlɛ muɔ tuu Kulocɛliɛ wi baakuɔlɔ bèle.» Bà Yusufu 'siɛnrɛ dáà lúʔu dè, a wi tɔ̀ni nɛ̀ nyɛni kpuʔɔ.

Cɛngɛ káà a Yusufu kɛ́nì ki juu wi lɔbilɔ mɛ́ bèle nɛ́ pe yɛ: «Ki 'kò cɛ̀ri m'bé kùu wī. Mi 'ki cɛ́n Kulocɛliɛ wi bé sí yeli sáʔa kányiʔɛ nɛ̄. Wi bé yeli yige Ezipiti kùlo nī lè, bè kɛ́ nɛ́ yeli ní kùlo náà nyuɔ wi 'kún nɛ̀ kɛn yeli tuuliɛyɛ mɛ́ yè, Birayima wè, nɛ́ Siaga wè, nɛ́ Yakuba.»

A Yusufu wi sí Isirayɛli pìile yɛ bèle pe‑ kàli: «Ye‑ kàli m'mɛ́ ye jo, a Kulocɛliɛ kɛ́nì yeli sáʔa bèle, yeli bé mi kácere kɔ̀n dè, bè kɛ́ nɛ́ ti ní.»

A ki pɛ́nì nyaa a Yusufu wi 'kùu, wi yé yiʔɛlɛ dabataan nɛ́ kpɔrigɔ (110) taa. A pe 'wi céri gbòbori dè nɛ́ natukɔliyɛrɛ ní dè, gàa ki bé ki yaʔa wi fǎga fúnʔɔ wèʔ, nɛ́ wi le kasuu nī nɛ̀ tɛ́ngɛ baa Ezipiti kùlo nī lè.