Popular Bible Verses from Yirile 9

Share

Kire nɛ́ ki mìɛni, mi 'muɔ yaʔa sìi nɛ̄, bè mi ŋɔri tìɛ dè muɔ nɛ̄, kire ga buu peri mi míʔɛ kpóri gè duniya tiɛrɛ ti mìɛni nī dè.

A Yewe ń'nɛ̀ ki juu Misa mɛ́ nɛ́ jo: «Te jíin Farawɔn kúrugu wè, ma wi yɛ: ‹Ti n'dɛ dàa Yewe wè, Eburulo Kulocɛliɛ wi 'juu dè: -Mi siɛnnɛ yaʔa bèle pe- kɛ́ pe sa mi gbùʔɔrɔ.›

Mi cî gbɛ̀ jáa bè mi kɔli taʔa gè muɔ nɛ̄ bè muɔ kpúɔn, muɔ nɛ́ muɔ siɛnnɛ ní bèle, nɛ́ káfaligɛ yaama ní. Bìinɛ muɔ cé cɛrigɛ nɛ̀ núgo dàala nɛ̄ lè.

mìɛ cò díɛ ! Nɛ́ ki cɛ́n Yewe bé wi kɔli taʔa gè muɔ yajuuro nɛ̄ dè, dàa pe nári nyàʔa nī gè: suɔnyɔ yè, nɛ́ sèfɛngɛlɛ ní gèle, nɛ́ nyuʔɔmɔnɔ ní bèle, nɛ́ nìɛyɛ ní yè, nɛ́ síkaala nɛ́ sìnbaala ní bèle. Ki yaama báà pi bé tɔ̀ni bè pii kpuʔɔ. Yewe bé sí wàlimɛ nyɔ́gɔ Isirayɛliyé yajuuro ní dè nɛ́ Ezipiti siɛnnɛ wori ní dè. Yafiɛn sǐ ga tíi kùu Isirayɛliyé yajuuro nī dèʔ.»

Kire nɛ̄ mbànʔa bìinɛ ŋàa nī wè, kàsaʔa bé tuu nɛ́ kàsasindari ní dè, bà ti bé lúbugo dè ki bé nyaa ki kàa fìɛ kpíʔile nɛ̀ nyaa náʔa Ezipiti kùlo nī lèʔ, bà ni 'séli lè fúɔ nɛ̀ pɛ́nì nɔ̀ pàngɛ nɛ̄ gè. Píra ŋáà nī wè, tí pe- yajuuro nyɔ́gɔ dè tiɛlarigɛ nī nɛ́ dìi dī baa muɔ mɛ́ siʔi nī gè. A ki pɛ́nì nyaa siɛn, kire ga jáa yajuʔu yē kpànʔanɛ gàa kiì jíin saʔa nī gèʔ, kàsasindari ti bé tuu ti nɛ̄ bè ti mìɛni kpúu.› »

Kire cúnʔɔ gáà ki bé kò cúbugo gàa ki bé yáligɛ màʔa Ezipiti kùlo nī lè; ki bé fìnide yɛ̀gɛ yajuuro nɛ̄ dè nɛ́ siɛnnɛ ní bèle, dàa ti bé luʔɔri dè, Ezipiti kùlo ni mìɛni nī.» A pe sɛ́nì cúnʔɔ kɔ̀n gè dìbige nī gè, nɛ́ sɛ́nì yéri Farawɔn yiʔɛ mɛ́ gè. A Misa 'cúnʔɔ wáa gè naamɛ gè, a cúnʔɔ ki 'fìnide yɛ̀gɛ dè a ti 'luʔɔri, siɛnnɛ nɛ́ yajuuro nɛ̄ dè.