Popular Bible Verses from Yirile 2

Share

A Kulocɛliɛ wi 'pe cíɛnmɛ lúʔu bè, a Kulocɛliɛ wi 'sɔ̀ngi nɛ̀ taa wi nyakungɛngɛ nɛ̄ gè, gàa wi yé juu Birayima mɛ́ wè, nɛ́ Siaga ní wè, nɛ́ Yakuba ní wè. A Kulocɛliɛ wi 'Isirayɛli siɛnnɛ nyaa bèle, a pe 'nyinimɛ jíin wi nī.

A lɛ̀lɛ láà 'tóri a ki 'mɔgɔ, a Ezipiti kùlofɔli wi pɛ́nì kùu. Á Isirayɛli siɛnnɛ ní bèle nɛ cíɛn baagbɛnrɛ láara dè, a Kulocɛliɛ 'pe fùrɔgɔ kòkuʔulo lúʔu gèle, gàli pe 'puu nɛ wáari níɛ wi náari wè, parituɔrɔ kɛnmɛ nɛ̄ bè.

Bà pùɔ wi pɛ́nì liɛ wè, a cɛliwɛ wi pɛ́nì wi kɛn Farawɔn póri mɛ́ wè, a wi 'kò wi jaa. A Farawɔn póri wi 'wi míʔɛ le gè nɛ wi yeri Misa, gìi wi yé je juu gè, «Mi 'wi láʔa luʔɔ naamɛ.»

A Farawɔn póri wi pɛ́nì wi yɛ: «Te waa nɛ́ pìfinʔɛ gáà ní gè, ma sari ki kanʔa kiri ŋɔri. Mi tíimɛ m'béri muɔ sàrí.» A cɛliwɛ wi 'pìfinʔɛ líɛ gè nɛ̀ sɛ́ni ki kanʔa kiri ŋɔri.

A Farawɔn póri wi kɛ́nì kɛ́ baa Niili cáʔa mɛ́ gè bè sa gbéli. Bà wi sɛ́ni gbínni wè, baakuɔsinborilo bálì pe yé pínɛ nɛ́ wi ní wè, peli puu nɛ nyaari luʔɔ gògogo táanni gè. A Farawɔn póri wi 'juɔlɔ nyaa lè nyàʔanivɛgɛ tiire sunʔɔmɔ nī bè, a wi 'wi baakuɔsinboriwo wáà tun wi- sa juɔlɔ líɛ lè de báan.

Bà lɛ̀lɛ láà pɛ́nì kúɔ wè, á Misa 'liɛ nɛ̀ kò nàguɔ wè, cɛngɛ káà a wi kɛ́nì yiri bè wi siinyɛninɛ Eburulo wéli bèle, a wi 'baagbɛnrɛ nyaa dè dàa pe puu nɛ kúu dè. A wi ń'nɛ̀ Ezipiti nàguɔ wáà nyaa wi Eburu nàguɔ wáà kpúɔn, ŋàa wi 'puu wi siinyɛni wè. A Misa 'páʔa nɛ̀ wéli nɛ̀ màʔa; wiì siɛn nyaaʔ. A wi 'fali nɛ̀ Ezipiti nàguɔ kpúɔn wè a wi 'kùu. A wi 'kpúu làrigɛ wè dàrimiʔɛ nī gè.