Popular Bible Verses from Filipo 3

Share

Mefɛ́ pɔ́ɔn, ńgwɔ́ n de gɔɔn ngie n noonté tà ḿbú ńgwɔ́ pá’ Kristo wɔ́, mèŋ n ne ńgÿo pɔ́ tà’a mmó, á gwɔ́ légwɔ́ gÿo mmó, ńdege Kɔ̀ɔkɔ́ɔ gie mèŋ n ka gÿó, ńcʉ́’ʉ ńdíe pɔ́ gie áa mvfò. Mèŋ n gee mánzsè ńtsaa pɔ́ ndʉ̌ lékúu jʉ’ gie n gee wó ńkẅé ntsɔ’ɔ́ fà’ gẅie e Ssé la ka’ lénáa mbwo pege á tÿǒ lepwó ńtí nò gie Kristo la kwé nà twó ségè.

Mèŋ n ne ńtsɔ́ɔn pɔ́ tà’a nò wémɔ’ɔ́. Á gwɔ́ ngie n zsé yé Kristo, ńzsé metʉ̀ mie é la gÿo á zíme ná legwé, ńgyá ngɔ́’ pá’ à la gyá yé, ńzẅíŋe lénáa twó yɔ́ɔn ńkwé pá’ à la náa yé, légwɔ́ gie, á lɔɔn tè gwɔ́ pɔ́ kɔ́ wɔ́, e Ssé lá’ ńgÿo n zím yɔ́ɔn nà legwé pá’ Kristo.

é té gwɔ́ pɔ́ ndà’ pú’u wɔ́, le zsé Yěsô Kristo, á Cʉ̀apʉ̀a wɔ̀ɔn zɔ cʉ̌’ ńcʉa nò ntsèm. À kɔ̀ɔkɔ́ɔ cʉ́’ ńgwɔ́ pɔ́ pyé. Mbà mèŋ n déen ńdʉ’ shúm ntsèm ńtí pɔ́ yé. N cʉ̌’ ńdíe sɛ̌ shúm ntsèm é gwɔ́ pɔ́ kʉ̀ŋe. Kristo zɔ̌ cʉ́’ʉ yɔ́ɔn pì

Tá’ mɔɔn menò mɛ́ mie é lâ mbwo mèŋ ńgwɔ́ pɔ́ lemaŋ, Kristo léen ńgÿo n gyá, mbà à la gwɔ́ pɔ́ pyé