Popular Bible Verses from Loomë 14

Share

Licyelikë, lwaangu lu Nzaambi lukeeli ko n'samu wukuliilë i kunwa. Kasi lyaawu lim'monikë mu n'sulumunu, n'sikë i liyaanji lin'fuminë ke Ciluunzi ci Saantu. Wo wun'salilë Kliistu mu mpilë oyo, naandi wun'toonzi Nzaambi i wun'vangisi baatu kuba mu liyaanji.

Ningë beeso tulë mu kun'ziingë, tun'zingilë mu Fumu i ningë tun'fwa, tun'fwiilë mu Fumu. Mu cibilë ocyo, keti tulë ba moonyi, keti tulëfwa Fumu naandi wutubakisi.

Tutoombaanu oboobo binë bin'vangisi n'sikë i bituvangisi besuveekë yi besuveekë kweendë ku ntwaalë mu ciminu.

Twe leembwaanu kuyifundisi besuveekë yi besuveekë. Lwe vangaanu mëngolo mu kumaangë mwaniinu nguli kukubë libaku kaambofo kubwa mu bunzimbu.

Cibilë busonëmë : « Miinu, Fumu moonyi, yilitubë : fë ntwaalaamë mëkungulu mooso mën'kudumë, i bakë booso bën'dumisi bumpumu bu Nzaambi. » Mu boobo, kadë muutu mba wun'tubilë mu naveekë ke Nzaambi.

Yakaanu wunë wudekë mu ciminu, kusuungaanu ve simbalulu syaandi.

Njeeyi nani wukeeli mu kufundisi cisasi ci muutu wun'ka? Mooti naandi bëfyaatë mu cisalu cyaandi kaambofo bëbwa, lyalyooli lin'talë fumwaandi. Naandi wun'kalilë wu ciindë, cibilë Fumu wuke yi lutumu lukun'zudi.