Kasi Pyeelë wusë n'yufulë : « Ananyaasë, mu cibilë-mbici njeeyi wazibulilë n'timë ke Satënë? Njeeyi wapuutë Ciluunzi ci Saantu i njeeyi wasweekë ndaambu mboongo yin'ka yo wabakilë mu lupaangu lunë njeeyi wasumbisi. Cin'tetë, njeeyi mu kusumbisi lupaangu be luunë, lwaawu lwabë lwaaku njeveekë. I ku mbusë kulusumbisi, njeeyi wusye ba yi n'swa ko mu kusalilë simboongo be siinë? Kwisilë buni njeeyi mu kube bakilë mbalulu yi mpilë oyo? Nje wusye puutë ko baatu, kasi Nzaambi. » Ntaangu Ananyaasë kwayuwu katyoobo, naandi kubwa i wusë fwa. Bake booso bëyuwu maambu be moomë bisë ba yi boomë.