Popular Bible Verses from Rumawaraita 8

Share

Nyãse yakuawate Deus umunya purangawaa panye umunyawaita irumu ainta supe kuaita ugustariwaita ae, kuaita usenuiwaita kuaye Deus uputariwaa yawe.

Nyãse hakuawate timanusawa upuderi utiari yande Deus gustarisawa sui, tiyuiri upakasawa nẽ anjuita yuiri, nẽ serakuenawaita yuiri, nẽ kuiriwaraita yuiri, nẽ kuaita yuiri yamaawaita kuri, nẽ kirimbawawaita yuiri. Nẽ iwatesawa yuiri, nẽ tiipisawa yuiri, nẽ mayewaita kuaita umunyawaita upuderi kuri utiari yande isui kua Deus gustarisawa uiku kua Kristu Jesus yaneruixawa upe.

Yawete yuiri kua Espiritu uajudari yande pituawaita, nyãse tiyakuawa yapurandu Deus irumu puranga, maa kua Espiritu upurandu yanerese inyenga irumu tiwa yapuderi yakuawa.

Ape maitaa kuri yambeu sese? Yaneirumu rame Deus awataa kuri upuderi umuruanyana yande?

Ape kuiri timaa puxi Deus umaa ainta kuaita uikuwaita Kristu Jesus upe.

Yamanduari rame yanepira rese anyunte uxari yamanu yande, maa yamanduari rame kua Espiritu anyunte uxari yapakate yande timaarese yuiri yande.

Asui kirimbawa yamuserana panye kua puxuwerawa irumu kua ugustariwaa yande.

Nyãse hakuawa supiwa sikuyaraimawaa kua yapurarawaa kuiri isui kua purangasawa yamaa aramawaa kuri.

Awataa kuri upuderi utiari yande Kristu gustarisawa sui? Maitaa purarasawa upuderi utiari yande? U sasiyarasawa, u umuruanyanasawa, u yumãsi, u tiresewara yariku rupa, u yawaitesawa, u espada será?

Asui kua ukuawawaa yanepia upe ukuawa yuiri umanduarisawa kua Espiritu, ape kua Espiritu upurandu aintarese kuaita purangawaita kuaye Deus uputariwaa yawe.

Nyãse panye kuaita Deus Espiritu urasuwaita Deus rairaita ainta.

Nyãse kuaita umunyawaita kuaye aintapira uputariwaa yawe aintaumanduari aintapira resentu, maa kuaita umunyawaita kuaye Espiritu uputariwaa yawe aintaumanduari kua Espiritu rese.

Asui kua tiusaisu yanesui Taira retewaa maa uxari yaneresewara ae yande panye, maitaa kuri tiuxari yande arama yuiri panye maantu irumu?

Asui kua Espiritu umbeu yanepia irumu Deus rairaita yande. Ape tairaita rame yande ixupe aramawaita yande, Deus supe aramawaita yande, asui ixupe aramawaita yande Kristu irumu, yapurara rame irumu umbeu kuri yanerese puranga irumu yuiri.

Nyãse kua umanduari ipira rese Deus ruanyana ae, nyãse tiumunya kuaye Deus nyenga kuximawara uxariwaa yamunya, nyãse tiupuderi umunya ae.

Kirimbawa panye kuaita Deus umunyawaita usaruwaita umaa mayetaa kuri aintauiku ipurangasawa rese kuaita tairaita.

Nyãse yakuawate panye umunyawaita aintaujemeri aintaupurara ate kuiri.