Popular Bible Verses from Apukalipisi 14

Share

Asui hasendu yepe nyenga iwaka sui, umbeu: —Rempinima: —Kuiri kuri suuri kuri kuaita umanuwaita yaneruixawa irumu. Asui kua Espiritu umbeu: —Supiwa suuri kuri ainta nyãse aintaupitu kuri aintamuraki sui, nyãse aintaumunyawaita usu kuri aintarakakuera.

Ape yakuawa timaa aintapiaiwa aintaupurara kuaita uruyariwaita, kuaita uruyariwaa kua Deus umbeuwaa, kuaita uxariwaita aintapia Jesus rese.

Asui umbeu nyenga kirimbawa irumu: —Pesikie Deus sui, pemee ixupe arama purangawaa, nyãse usikana sangawa umbeu arama aintaresewara panye, pemee ixupe arama purangawaa kua umunyawaa panye iwaka, panye iwi, panye parana turusuwaa, panye ii rukenaita yuiri.

Asui kua musapirisawa anju umbeu nyenga kirimbawa irumu: —Awa umee purangawaa ixupe arama kua suu, sangawa kuera supe yuiri kua uxari aintaumusangawa ae suwa rese ipu rese yuiri, uu yuiri kuri kua vinyu Deus ipiaiwasawa uyusena ixupe tiwa umunani ipiaiwasawa ikupu upe, aintaumpurarakari ae tata kiti enxufre kiti yuiri aintarunde kiti kuaita ianjuita purangawaita, senunde kiti yuiri kua kurderu. Asui tatatinga kua tata umpurarakariwaa ainta uyupiri yawewarawate, tiaintaupuderi aintaupitu ara rame pituna rame yuiri kuaita aintaumee purangawaa suu supe arama sangawa kuera supe yuiri, aintayuiri kuaita urikuwaita sera rangawa.

Asui hamaa kua kurderu uiku iwitera rese serawaa Sião aintairumu kuaita sentu kuarenta kuatru mili miraita uriku sera aintaumpinimawaa ipaya rera yuiri aintaruwa rese.

Asui hamaa yepe anju uwewe ara piterupi, uriku yepe nyenga purangawaa tiwa upawa umbue arama ae ainta supe kuaita mundu puraita, panye aintamirasawa yaweyawe aintanyenga rupi, panye mundu puraita supe arama.

Asui arire kua mukuĩsawa anju umbeu: —Uwariana, uwariana Babilunia kua tetama turusuwaa, uxariwaa panye kuaita miraita aintauu arama irumu vinyu ipiaiwasawa warixisawa yuiri.