Popular Bible Verses from Apukalipisi 10

Share

Maa umunya arama kuri kua Deus uyumimiwaa kuaye umbeu yawe ainta supe arama kuaita ixupe arama utitikawaita, nyã ara upe kuri upeyu itrumbeta kua setisa anju.

Asui aintaumbeu ixe arama: —Rerikutere retitika aintarese siya miraita, siya kuaita upurungitawaita siya nyenga, siya tuixawaita yuiri.

Asui hamaa yepe anju kirimbawa uwiye iwaka sui, nuvẽ upupeka ae, asui kua waimi mirapara uiku iakanga arupi, asui suwa kuaye kurasi yawe ae, asui setisa maye tata sendiwaa yawe.

Ape hasu ipiri kua anju asui hambeu ixupe arama uxari arama ixe arama kua livru kuairawaa. Asui unyee ixe arama: —Repisika ae rembau ae, nyãse supiwa irawa kuri ae nemarika upe maa kuri seẽwaa ae neyuru upe kuaye ira yawe. Asui hapisika kua livru kuairawaa ipu sui kua anju asui hambau ae, asui seẽwaa ae maye ira yawe seyuru upe maa hamukuna rame ae irawa ae semarika upe.