Popular Bible Verses from Galasiwaraita 5

Share

Maa Espiritu iya panye gustarisawa, panye suurisawa, panye timaaresesawa, panye pasiensia, uxari timaa ipiaiwa yande, uxari yamunya puranga, panye yuiri kua supiwa. Uxari pirasua yayumaa, uxari yamundu yanepira umunya arama puranga. Timaa yamaa Deus nyenga kuximawara yawewaita rese.

Maa hambeu penye arama: —Pewata Espiritu irumu ape tikuri pepuderi pemunya kuaye pepira uputariwaa yawe.

Ape yapaka rame yande Espiritu irumu, yarikute yawata Espiritu irumu yuiri.

Asui kuaita Kristu Jesus yaraita aintaumuyari aintapira kurusa rese irumu panye aintapira uputariwaa umunya kirimbawa.

Yakuawate yanepira uputari umunya panye: Uputari umuwarixi, uputari umunya panye ikiawaa, uputari ukuawa pukusawate, Upurandu idulu irumu, uputari payesawa, uputari umuruanyana amuita, uputari uyakawa, uputari umundari, uputari ipiaiwa ae, uputari umanduari yepenyu sesepawate, uputari utiari amuita, uputari uruyari amu kiti, Uputari umuasi, uputari ukau, uputari umunya puxuwera turusu, kuaye uputari umunya. Asui hambeu penye arama kuiri kuaye hambeuwaa yawe penye arama panye kuaita umunyawaita kua puxuwerawa tikuri aintauwike yaneruixawa Deus umunduwaa upe.

Maa penye semuita, usenui penye uyurawaita arama penye, ape tepemunya puxi uyurawaita resewara penye, maa peyuajudari gustarisawa resewara.

Nyãse kua pepira uputari umunya anyunte umuruanyana kua Espiritu, asui kua Espiritu uputari umunya anyunte umuruanyana kua pepira, nyãse aintauyumuruanyana tiarama pemunya kuaye peputariwaa yawe.

Nyãse yapuderi yamunya panye Deus nyenga kuximawara umbeuwaa yamunya rame kua nyenga umbeuwaa: "Pegustari perumuara kuaye peyugustari penyepawa."

Ape kuri timaa yamanduari yande purangawaa amuita sui, timaa yayumpiaiwa, timaa yamuasi amuita.

Nyãse Kristu uyurawa yande, uyurawaita arama yande, ape kuri peiku santa sese; tepexari kuximawara umuyusana penye ixupe aramawaita penye mukuĩsawa.