Popular Bible Verses from Efezuwaraita 5

Share

Ape pemunya kuaye Deus umunyawaa yawe, kuaye tairaita ugustariwaita yawe. Pewata gustarisawa upe kuaye Kristu ugustariwaa yawe yande, asui uyuxari aepawa yaneresewara kuaye uxariwaa yawe sakuenawaa yawe Deus supe arama.

Ape pemaa pesui puranga mayetaa pewata, tepewata tiwaita ukuawa yawe, maa pewata ukuawaita yawe. Puxuwerana kua mundu ape perikute pemunya puranga yawewarawate.

Tepekau kawĩ irumu nyãse uxari peyumburi, maa peyumuteresemu Espiritu irumu. Pepurungita penye pepiterupi salmu irumu kansão Espiritu rese irumu yuiri, penyengari puranga yaneruixawa supe panye pepia irumu. Yawewarawate pemee purangawaa panye rese sera rupi kua yaneruixawa Jesus Kristu yanepaya Deus supe.

Tepesikari tiwaita ukuawa penye maa pesikari pekuawa maitaa yaneruixawa uputariwaa yawe.

Penye perikuita perimiriku perikute pegustari perimiriku kuaye Kristu ugustariwaa yawe ingreja, asui aepawate uyuxari ingreja resewara.

Kuxima pitunawasu puraita penye, maa kuiri murutingawaa upewaraita penye yaneruixawa irumu, ape pewata kuaye turi rairaita yawe.

Peyuxari penye arama pesikie resewara Kristu sui.

Penye kunyaita peruyari pemena nyenga kuaye peruyariwaa yawe yaneruixawa.

Ape kuri peyaweyawe perikute pegustari perimiriku kuaye peyugustariwaa yawe penyepawa, asui kuaita urikuwaita aintamena aintaurikute aintaurespetari aintamena.

Sesewara apigawa uxari ipaya, imaya yuiri uiku arama irumu kua ximiriku, yepenyu arama kuri kuaita mukuĩwaita.

Tepeajudari ainta aintaumunya arama pitunawasu uxariwaa aintaumunya puxuwerawa, maa pembeu ainta supe aintapekadu.