Popular Bible Verses from Éxodo 20

Share

—Yʉhʉ jija Yawe mʉsa Cohamacʉ. Yʉhʉ jihi mʉsare, egipto masa cahamaca jirinare na wioriro. ‘Ã jina mipʉre paina cohamana, mʉsa ño payohtina cjihtire, bese tjiãhna cjʉaena tjiga.

‘Ne dohse jia masʉrine ño payoa, cjʉaena tjiga. Mʉanopʉ catiina o catieraare, ã jichʉ ahri yahpare catiina o catieraare, ã yoa pjiri mare catiina o catieraare, dohse jia tí masʉrine dahretjiãhna, ño payoa, cjʉaena tjiga. Yʉhʉ jija Yawe mʉsa Cohamacʉ waro. Ã jina ne tí masʉrine na tuhcua caha sʉ, ño payoa cjʉaena tjiga. Yʉhʉ jija mʉsare cahĩriro waro. Ã jicʉ mʉsare yʉhʉre ñʉ yabi, paina cohamanare ño payoa mʉsa cjʉachʉ, buhiri dahre turiaihtja mʉsa pohnare, mʉsa panamanare, ã jichʉ mʉsa panamana pohna cʉ̃hʉre.

‘Mʉsa pʉcʉsʉmare, mʉsa pocosanumia cʉ̃hʉre ño payoga mʉsa. Tó sehe mʉsa pʉcʉsʉmare ño payoa mehne jia tina, yʉ mʉsare wahti yahpapʉre yoari pja jinahca.

‘Ã yoa yʉhʉ mʉsare so duti cũri dachore paye dachori bui jiri dacho wacũ, soga mʉsa.

‘Ã yoa yʉ wama Yawe mʉsa Cohamacʉ wamare wiho warota wama payo, pisuena tjiga. Mʉsa durucua quihõno jierapachʉta, wiho warota yʉ wamare mʉsa wama payo pisuchʉhna, mʉsare buhiri dahreihtja.

à yoa somanaripe seis dachori waro dahra masina mʉsa. Dohse mʉsa dahra duaare dahra masina tí dachorire. Siete dachori mʉ sʉri dacho pinihta Yawe mʉsa Cohamacʉ ya dacho, sori dacho jiro ninohca somanaripe. à jina mʉsa tí dacho sehere ne waro dahra masierara. Ne mʉsa pohna, mʉsa cahamaca, wahiquina mʉsa mehne dahraina, pa sehe macariro mʉsa cahai jiriro cʉ̃hʉ ne waro dahra masierara tí dachore.

‘Ã yoa pairo ya wʉhʉre, ã jichʉ to namono, to cahamaca, to wahiquina tiro mehne dahrainare, jipihtia to wʉhʉi dohse jia to cjʉaa cʉ̃hʉre cjoena tjiga —ni batoaha tinare.

‘Mʉsa mahñoa mehne pairore, “Tiro jihre” ni, tju õena tjiga, paina sehe tirore ñano ni durucuerahto sehe.

‘Ã yoa mʉa namo tiinapʉ, paye numia mehne jiena tjiga. Numia, manʉ tia numiapʉ cʉ̃hʉ, ne paina mʉa mehne jiena tjiga.

‘Ã yoa masʉno, dohse jirirore wajãena tjiga mʉsa.

‘Ã yoa paina yare yacaena tjiga.