To ã ni yʉhtichʉ tʉhoro, Samue sehe õ sehe niha Saulore:
—Ã yoaeraboa mʉhʉ. Ã yoai, mari Cohamacʉ Yawere yʉhdʉrʉcai niri jira mʉhʉ. Yʉhʉpʉ jija sacerdote. Yʉhʉpʉre tí dahraare cũhre tiro. Mʉhʉ sehe poto cohtasiniboa. Ã jii mʉ ã yoacʉ, Cohamacʉre yʉhdʉrʉcai niri jira. Mʉ ã yʉhdʉrʉcari buhiri mipʉre mʉhʉ cʉ̃irota pʉhtoro ji, buti dijaa wahaihca jʉna. Tuhsʉ, mʉ pohna, mʉ panamana mʉhʉre pʉhtoro ji cohtotaborina cʉ̃hʉ ne ji cohtotasi jʉna. Ã jiro Yawe to basi pairo mʉhʉre pʉhtoro ji, cohtotahtiro cjihto bese sõnohca. Ã sõno, to cahmasãano seheta yoahtiro cjihtore bese, to masa curuare sʉho ji mʉhtahtiro cjihto sõno ninohca tiro —niha Samue Saulore.
Resumen: Ã yoa Saulo to cahma wajãdoho duti, to pjirocarina sehe filisteo masa surara payʉ waro ti jichʉ ñʉa, cui, duhti site wahcã pihtia wahaha. Ã yoa Saulo to surara waro cʉ̃hʉ payʉ duhti wahcãha tirore. Ã jia tres mil surara jimaina cjiri seiscientocãta tiro mehne tjuaha.
à yoa Cohamacʉ sehe Saulo to yʉhdʉrʉcariro to jipachʉta, tina seisciento suraracã mehne filisteo masa surara perire cahma wajã yʉhdʉrʉcanocachʉ yoaha tirore. Cohamacʉ Saulore ã cahma wajã yʉhdʉrʉcachʉ yoaro taro, filisteo masa surara sehere tinare tuaro cuiina wahachʉ yoaha. à cuiina ti wahachʉ, Saulo sehe tinare cahma wajã yʉhdʉrʉcanocaha to surara mehne.