Popular Bible Verses from Domano Ma̧ȩ 13

Share

Tjamo̧ davä. Ja̧di dari̧ cjo̧ro̧dë matäreji̧ri̧rea̧rȩ. Ibëa̧ icjararä chjai̧dë pio ju̧i̧, ji̧dë ma chjai̧dëri̧ japatämi̧ cjiamȩ pio ju̧i̧, jabechji̧ boë jä tänȩdë matäreji̧ri̧rea̧ro̧jo̧ȩ. Aja̧padëtäreji̧ri̧rea̧ro̧jo̧ȩ jabo jabechji̧, ibëa̧ Ano̧mȩ Jechu Quirichora̧ pio ju̧ri̧ra̧ ji̧dë ma ina̧ oa cjiami̧ dari̧ cjo̧ro̧ matäreji̧ri̧rea̧rȩ.

Danȩrȩ, dibëa̧ oti̧ pio ji̧ri̧iäpȩmo̧ ji̧dë ma ba cjiadiäji̧ri̧rȩ cjo̧ro̧dëtäreji̧ri̧nȩrȩ, jabo atarami̧ ba ano̧täreji̧ri̧rea̧ro̧jȩrȩ. Jabo dëdë, pio ji̧ri̧iäpȩmo̧ ji̧dë ma ba cjiadiämi̧ dari̧ cjo̧ro̧täreji̧ri̧rea̧rȩ jabo. Tjamo̧ davä. Ji̧dë ma eapea̧ ji̧ ba cjiadiämi̧ dari̧ cjiatäreji̧ri̧rea̧ro̧jȩrȩ. Ji̧dë ma dëbëti̧ra̧ chia eatäreji̧ri̧rea̧rȩ. Jabechji̧ ja̧di dari̧ cjo̧ro̧mȩ judi, Moicherë go̧ȩparërea̧ ma̧ȩ pio ju̧i̧ nö̧tadäräri̧ ta̧rëdiämi̧ dari̧ japamȩde.

Chiri ütë cjo̧ro̧ji̧ri̧ pio ji̧ri̧ chjadëri̧ ta̧rë ta̧rë japa matäreji̧ri̧rea̧ro̧jȩrȩ. Jabechji̧ Ütë tjamo̧ pio judi tänȩa̧ oa chiri ütëdirȩ. Jibëa̧ ma̧na̧ri̧ japea̧ oaiä ütëpe bagadëa̧dirȩ jabo Ütë pio judi tänȩa̧ oa ütëpe bagarëreji̧ri̧dirȩ.

Aja̧ ca̧ pumȩ, cüdë dibë yo̧a̧mi̧ japachji̧vä ibëa̧ Ano̧mȩ judi ma̧na̧pea̧ ji̧ querediä tara. Jabechji̧ a̧ro̧rȩ pearä quëna̧rërea̧ ju̧i̧ u̧i̧ queri̧na̧ra̧diibe a̧ro̧rȩ chjätärea̧ dapea̧ üdë. Jabo jabërea̧rȩ. Jabë gȩnȩrä cjiami̧ dari̧ cjiarea̧rȩ jabo dopea̧ querediämi̧ dari̧ japadiibe jabo. A̧dëräpȩ go̧düdäräpea̧ üdë querediä tjamo̧diibe dopana̧ra̧mi̧ dari̧. Pio ju̧i̧iä mo̧a̧ mo̧a̧ cjo̧ro̧mi̧ dari̧ cjo̧ro̧dëtäreji̧ri̧rea̧rȩ jabo jabechji̧, bëdü jämi̧ dari̧ jo̧rȩtatäreji̧ri̧rea̧rȩ. Danȩrȩ, do üdë uë tjamo̧pea̧mi̧ dari̧ cjiadiibe. Pio ju̧i̧iä bëdüpea̧de. Järipea̧de. Jabechji̧ chjai̧dëri̧ japë ano̧täreji̧ri̧rea̧rȩ. Bagönȩrä ja̧ chjai̧dë pio ju̧i̧ cjüëami̧ dari̧ japa ëte mu̧i̧ cürëmi̧ dari̧ japatäreji̧ri̧rea̧ro̧jo̧ȩ chjibo ütama̧i̧ oa japami̧ dari̧. Ado coëma cjiari̧ cjo̧ro̧rea̧ chjibora̧ pio ju̧ri̧ra̧ ano̧ mire ina̧mi̧ dari̧ cjiatäreji̧ri̧rea̧rȩ. Tjamo̧ davä. Coëma cjiari̧ cjo̧ro̧rea̧ chjibora̧ pio ju̧ri̧ra̧, dëbëpe chjaorea̧ chjibora̧ pio ju̧ri̧ra̧ ano̧ mire ina̧mi̧ dari̧ cjiatäreji̧ri̧rea̧rȩ, tatami̧ darä cjo̧ro̧ji̧ri̧rȩ. Jabechji̧ quirë cjiami̧ dari̧ cjiatäreji̧ri̧rea̧rȩ chjai̧dë pio ju̧i̧ dëbëpe chjaopea̧ oa.

Tjamo̧ davä, eami̧ pumȩ üdë jibëa̧ pumȩ ji̧ri̧ tjamo̧ri̧ earä judi, jabechji̧ eami̧ chjai̧dë oa japadëpadejȩrȩ. Ado ja̧di dari̧ cjo̧ro̧a̧ oaiä, jabechji̧ Moicherë go̧ȩparërea̧ ma̧ȩ pio ju̧i̧ nö̧tadäräri̧ ta̧rëdiämi̧ dari̧ japamȩde.

Pio ju̧i̧iä jabechji̧, judiro̧ cjo̧dëa̧mi̧ chjadëri̧ ba ano̧täreji̧ri̧rea̧ro̧jȩrȩ. Jabechji̧ judiro̧ yo̧a̧ chja̧oerä cjo̧ro̧rea̧rȩ. Pio ju̧i̧iä ba chia datäreji̧ri̧rea̧ro̧jȩrȩ. Chjadëde ja̧di dari̧ japea̧ üdë.