Popular Bible Verses from Marcos 11

Share

Ja̧di tara yo̧requededibe. Eami̧ pumȩ judi Ütë tjamo̧ pio ju̧i̧ chjuari̧ quëna̧mȩrȩ cjo̧dërä judi, 'Aja̧, Ütë tjamo̧ judi ta̧rë ja̧bodicoada, cüdë cjo̧dëa̧mi̧ japapai̧ dadida, cüdë cjo̧dëa̧mi̧ yürüpai̧ dadicoada' quëna̧ jo̧rȩtamȩrȩ cjo̧dërä judi, jabechji̧ jënȩ cjo̧dëa̧mi̧ yürüpai̧ dadejȩ.

Jabo chjuari̧ quëna̧pea̧ chiarenȩro̧jo̧ȩ oëra̧ quëna̧rea̧ decjiari̧, 'Aja̧, Ütë tjamo̧ judi tjamo̧ri̧ japarea̧mi̧dëdida' quëna̧rea̧ decjiari̧. Tjamo̧ri̧ yo̧requededibe. Eami̧ pumȩ judi Ütë tjamo̧ ju̧i̧ chjuari̧ quëna̧mȩrȩ cjo̧dërä judi, 'Jaebodida, ju chiamȩdida, a̧dë chjäte jauëchjamȩdida, cüdë cjo̧dëa̧mi̧ japarea̧ chiadida' quëna̧ jo̧rȩtamȩrȩ cjo̧dërä judi, jabechji̧ jënȩ yo̧a̧mi̧ japapai̧ dade. Jabechji̧ pio jiro ya̧mi̧ oa yo̧rä judi: "Aja̧, pio idëpȩ ano̧ mire chavä ui ana̧räpȩ ju̧ri̧' yo̧rä judi, jabechji̧ ano̧ mire chapai̧ dade, jënȩ yo̧a̧mi̧.

Jabo mȩnȩro̧ Ütë tjamo̧ pio ju̧i̧iä cjo̧dërä, ado cja̧rȩmo̧ pumȩ pio ju̧i̧iäpȩmo̧ ma̧ cjüëtüri̧ jo̧rȩtaji̧ri̧rȩ cjo̧dërä judi, pio mȩaiäpȩmo̧ chjai̧dëri̧ japea̧ oaiä pio ju̧i̧iäpȩmo̧ ërecjiaji̧ri̧rȩ cjo̧dërä judi, jabechji̧ yabochja cjatäcjie jo̧rȩtapea̧de. Tjamo̧ davä. Pio mȩaiäpȩmo̧ chjai̧dëri̧ japea̧mȩ pio ju̧i̧ duridëparȩmi̧ dari̧ a̧dë jo̧rȩtapea̧de yabochja. Aja̧, ja̧di dari̧ japapea̧de davä, dibëa̧ Ama̧i̧ judi, a̧dëräpȩ cjiamȩ pio judi pio dibë peaja̧di chjadëri̧ duridëparȩpea̧ oa, mȩnȩro̧ chjai̧dëri̧ japea̧ pio ju̧i̧ duridëparȩpea̧ oa peaja̧di dari̧ japapea̧de. Aja̧, ja̧di dari̧ japapea̧de Ütë tjamo̧ pio ju̧i̧iä cjo̧dëbea yaboi̧ —yo̧mȩrȩ ni̧bä chjaorëremȩdejȩrȩ.

Ado Jechu judi dëbë yo̧mȩrȩ yo̧a̧dejȩrȩ jibëa̧ jadü ütëbo oa: —Danȩrȩ, mȩnȩro̧ Ütë tjamo̧ pio ju̧i̧ chjuari̧ quëna̧ji̧ri̧rȩ cjo̧dërä judi, peaja̧dimi̧ dari̧ japarea̧ dapai̧ danȩrȩ.

Ado ja̧di dari̧ japa ëte, Jechu judi taruparëremȩde a̧ra̧ano̧pea̧ ji̧. Ja̧di ta̧rëri̧ yo̧mȩrȩ a̧ra̧ano̧a̧dejȩrȩ: —Danȩrȩ, ja̧di ta̧rëri̧ go̧ȩpea̧ oa cjiade ma̧ȩ üdë, Ütë tjamo̧ pio judi yo̧rërea̧ ma̧ȩ üdë: "Danȩrȩ, ca̧ bë üdë, pio coaiäpȩmo̧ ni̧bäpea̧ bëde pumȩ ütëbodärä ja̧ oa'. Aja̧, ja̧di ta̧rëri̧ yo̧rëremȩdiibe Ütë tjamo̧ judi. Jabo cjäri̧ manȩrȩ, mȩnȩro̧ ma̧i̧ dari̧ japea̧ oaiä, garüji̧ri̧ pio ji̧ri̧ ja̧ a̧doparea̧ bëmi̧ dapea̧de —yo̧mȩrȩ yo̧a̧dejȩrȩ Jechu judi.

Ado Jechu ja̧ yaboi̧räpȩ jäji̧ri̧rȩ goae tarari̧ ëna̧diä ëna̧diä ni̧bärëreji̧ri̧dirȩ duriräpȩ jäji̧ri̧borë. Ja̧di ta̧rëri̧ ëna̧diä ni̧bärëreji̧ri̧dirȩ: —Chjacjiamȩri̧ ni̧bätäro̧jo̧ȩ Ütë tjamo̧ pio ju̧i̧iäpȩmo̧. Ado chjadëri̧ japatädejȩ pio yoaje, jënȩ chjadüa̧ pio ju̧i̧.

Aja̧, chjadëri̧ japatädejȩ Ütë tjamo̧ judi ibëa̧ Ütëmȩ pio yoa. Jabechji̧ ibëa̧ tarurea̧ Davi pio judi ütëmȩrȩ cjo̧ro̧rërea̧ ji̧, pio yodëborë ano̧ mire ütëmȩrȩ cjo̧ro̧pade. Ado pio ju̧i̧iä a̧dë uë tjamo̧räpȩ cjiamȩ Ütë tjamo̧ pio judiborë a̧dë chjäte chjacjiamȩri̧ ni̧bäa̧ oa cjiatäde —ëna̧diä ëna̧diäji̧ri̧rȩ ni̧bärëreji̧ri̧dirȩ, Jechu pio ju̧i̧iäpȩmo̧ ba chia jo̧rȩtaji̧ri̧rȩ.