Popular Bible Verses from Lucas 4

Share

"Ano̧mȩ pio ju̧i̧ ja̧ Tjo üdë cjiana̧ra̧dique. Jabechji̧ mitëa̧dique Ütë tjamo̧ ja̧ ma̧ȩ chjadëi̧ pio ju̧i̧ a̧ra̧ano̧pea̧ oa. Aja̧, chjö̧na̧i̧ti̧ oa cjäri̧ ja̧boji̧ri̧ pio ji̧ri̧iäpȩmo̧, cja̧rȩmȩ co ma̧ȩ oa ta̧rëdëji̧ri̧ pio ji̧ri̧iäpȩmo̧ a̧ra̧ano̧pea̧ oa mitëa̧dique. Ado chjadüa̧dique peaja̧di cüdë chjadëri̧ yo̧pea̧ oa chaäa̧ oa cjiami̧ dari̧ cjo̧ro̧ji̧ri̧ pio ji̧ri̧ chjiari. Jabechji̧ pio jiro pumȩ judiro̧ chaäa̧ oa cjiami̧ dari̧ cjiarërea̧ ji̧, jabechji̧ go̧dürea̧ yürüpadejȩrȩ Ütë tjamo̧ pio judi. Ado pio ju̧i̧ a̧ra̧ano̧era̧pea̧requede. Aja̧, da cotomi̧ dari̧ cjiaji̧ri̧ pio judiro̧ ado chjereno̧ chjadëri̧ damirerea̧ dapea̧ oa, conȩda̧ oa cjiareji̧ri̧ pio judiro̧ chjadëri̧ jare chjadüa̧ oa cjiami̧ dari̧ cjiapea̧ oa, jabechji̧ chjadüa̧dique a̧ra̧ano̧pea̧ oa. Aja̧, chjadüa̧dique pumȩ pio judiro̧ chjadëri̧ dabapea̧ oa. 'Aja̧, ma̧na̧diibëda, pio jiro japamitë üdë ma̧na̧diibëda, Ano̧mȩ judi pio ibëiäpȩmo̧ cjäri̧ri̧ cjia dapea̧ japamitë üdë ma̧na̧diibëda' quëna̧ dabapea̧ oa chjadüa̧dique Ütë tjamo̧ judi." Aja̧, ja̧di ta̧rëri̧ ni̧bämȩrȩ go̧ȩ ni̧bärëremȩde Jechu judi Ichaia quȩmȩrea̧ pio judi jabërä go̧ȩparërea̧ ma̧ȩ pio ju̧i̧.

Jabo Jechu judi dëbë yo̧a̧dejȩ: —Jabo cjäri̧ marequedemȩ, ja̧di dari̧ japarea̧mi̧dëde. Jabechji̧ ja̧di ta̧rëri̧ go̧ȩpea̧ oa cjiade ma̧ȩ üdë: "Dibëa̧ Ano̧mȩ Ütë pio ju̧i̧iäpȩmo̧ ma chjacjiamȩri̧ jo̧rȩtapea̧de, ado pio ju̧i̧ ja̧ maea oa ja̧bepariä cjo̧ro̧pea̧de." Aja̧, ja̧di ta̧rëri̧ go̧ȩpea̧ oa cjiade ma̧ȩ üdë. Ado pio ju̧i̧iä pio mȩaiäpȩmo̧ chjacjiamȩri̧ jo̧rȩtarea̧mi̧dëde —dëbë yo̧a̧dejȩ.

Jabo Jechu judi dëbë yo̧a̧dejȩ: —Cjäri̧ made, ja̧di dari̧ japëno̧rea̧mi̧dëde. Jabechji̧ ja̧di ta̧rëri̧ go̧ȩpea̧ oa cjiade ma̧ȩ üdë. Ta̧rëvä: "Dai oa cjiamȩ chja̧pe pio ju̧i̧iämo̧i̧ cjo̧ro̧rea̧mi̧dëde. Jabechji̧ nö̧tadëde, jabo Ütë tjamo̧ ja̧ yari pio judiri go̧düa̧mȩ ma̧ȩrämo̧ cjo̧ro̧rea̧mi̧ dade." Aja̧, ja̧di ta̧rëri̧ go̧ȩpea̧ oa cjiade ma̧ȩ üdë. Ado pio ju̧i̧iä ja̧di dari̧ japarea̧mi̧dëde —dëbë yo̧a̧dejȩ Jechu judi Ichiae pio ju̧i̧iäpȩmo̧.

Ja̧dëa ji̧ Jechu judi, Tjo tjamo̧ ja̧ chja̧oerä cjiamȩrȩ go̧dürëremȩde bea Joroda̧ yuroro a̧rȩmȩ chiriri pio judiri. Ado Tjo tjamo̧ pio judi yabo ëba jämi̧ dari̧ jä tänȩrëremȩdejȩ chiri tjoräpȩ ju̧ri̧, pumȩ decjiaräpȩ ju̧ri̧.

Jabo Jechu judi ja̧di ta̧rëri̧ dëbë yo̧a̧dejȩ: —Jabo danȩ, ja̧di ta̧rëri̧ yo̧diibe ma̧ȩ üdë peaja̧di. "Jabechji̧ dibëa̧ Ano̧mȩ Ütë pio ju̧i̧ ütarami̧ dari̧ japadëchji̧jo̧ȩ. 'Aja̧, ¿napai̧rä yuro jidapadicoada Ütë tjamo̧ judi, ¿napai̧rä yuro a̧dopadicoada, cüdë ca̧ea̧ ma̧na̧ri̧ jo̧rȩtamȩrȩ japarä judi, judi yo̧dëa̧ pio ju̧i̧ japarä judi, ¿napai̧rä yuro jidapadicoada’ quëna̧ jo̧rȩtaji̧ri̧rȩ ütarami̧ dari̧ japadë matäreji̧ri̧rea̧ro̧jo̧ȩ Ütë tjamo̧ ju̧i̧" yo̧diibe ma̧ȩ üdë. Ado pio ju̧i̧iä cjäri̧ marequede, daburäpȩmo̧ chiquidëparequede jabechji̧ —yo̧a̧dȩjȩ Jechu judi.

Ja̧dëa ji̧ Ichiae judi Jechu pio ju̧i̧ chjai̧dëri̧ japa tänȩtea̧ duri oa, u̧i̧parea̧ ma̧ȩ ji̧ra̧ra̧ u̧i̧patea̧ ji̧ japadäräa̧ duri oa, jabechji̧ a̧dë baärëremȩdejȩ Jechu ju̧i̧. 'Jabechji̧ ji̧dë duri oa ado chjereno̧ chjai̧dëri̧ japa tänȩtapacuni̧da' quëna̧ jo̧rȩtamȩrȩ a̧dë baärëremȩdejȩ.

Jabo Ichiae judi cjiadiädëmȩrȩ uë tjamo̧räpȩ yuro ëba järëremȩdejȩ Jechu ju̧i̧. Ado pio judiri goë mitëmȩrȩ na̧rȩrëremȩdejȩ chiriräpȩti̧ oa cjo̧ro̧ji̧ri̧ ütëti̧ pio ji̧ri̧, jënȩro̧ chiri ütëti̧ji̧ri̧rȩ cjo̧ro̧mȩräpȩ. Tjamo̧ davä. Jënȩro̧ tjamo̧ yo̧ji̧ri̧rȩ cjo̧ro̧mȩräpȩ, jënȩro̧ a̧dë chäte chjacjiamȩri̧ cjo̧ro̧mȩräpȩ na̧rȩrëremȩdejȩ, pio ji̧ri̧ ja̧ chja̧oerä cjo̧ro̧ji̧ri̧ maea oa. Aja̧, chjadë maeari̧ na̧rȩrëremȩdejȩ chjaodëri̧. Ado chjö̧na̧i̧ oa goë na̧rȩa̧ duri oa, ja̧di ta̧rëri̧ yo̧a̧dejȩ Jechu ju̧i̧ Ichiae judi: —Danȩ, pio jiro pumȩ pio ji̧ri̧ ja̧ ütë tänȩpai̧ darequedemȩ —yo̧a̧dejȩ—. Pio jiro ütëti̧ pio judiro̧ tjamo̧ yo̧ji̧ri̧rȩ cjo̧ro̧rërea̧ ji̧, chjacjiamȩri̧ cjo̧ro̧rërea̧ ji̧, pio mȩamo̧ ano̧ mire ütëmȩrȩ cjo̧ro̧ tänȩpai̧ darequedemȩ. Jabechji̧ judiro̧ ca̧ chja̧oerämo̧ cjo̧ro̧rërea̧ ji̧, na̧ chja̧oerämo̧ ano̧ mire cjo̧ro̧ tänȩpai̧ darequedejȩrȩ. Jabechji̧ ja̧di dari̧ japapai̧ darequede Ütë tjamo̧ pio judi coa japarea̧ yürüa̧ tara. Jabechji̧ judiro̧ ca̧ea̧ ma tara, cüdë jo̧rȩtami̧ japapai̧ darequede. Ja̧di tara yo̧requedemȩ. Jabechji̧ pio mȩa ano̧ mire ütëmȩrȩ cjo̧ro̧ tänȩparequedemȩ, mȩnȩ pio coaiäpȩmo̧ chjacjiamȩri̧ jo̧rȩtarä judi —yo̧a̧dejȩ. Jabo Jechu judi dëbë yo̧a̧dejȩ: —Jabo cjäri̧ marequedemȩ, ja̧di dari̧ japarea̧mi̧dëde. Jabechji̧ ja̧di ta̧rëri̧ go̧ȩpea̧ oa cjiade ma̧ȩ üdë: "Dibëa̧ Ano̧mȩ Ütë pio ju̧i̧iäpȩmo̧ ma chjacjiamȩri̧ jo̧rȩtapea̧de, ado pio ju̧i̧ ja̧ maea oa ja̧bepariä cjo̧ro̧pea̧de." Aja̧, ja̧di ta̧rëri̧ go̧ȩpea̧ oa cjiade ma̧ȩ üdë. Ado pio ju̧i̧iä pio mȩaiäpȩmo̧ chjacjiamȩri̧ jo̧rȩtarea̧mi̧dëde —dëbë yo̧a̧dejȩ.

Jabo Ichiae judi cjiadiädëmȩrȩ ëba järëremȩdejȩ Jechu ju̧i̧ Ütë tjamo̧ ja̧ bë ma̧ri̧räpȩ ju̧ri̧, Jerucharȩräpȩ ju̧ri̧. Ado Ütë tjamo̧ ja̧ bë uë tjamo̧räpȩ ju̧ri̧ cjia tänȩrëremȩdejȩ jo̧ pacho ina̧räpȩ ju̧ri̧. Ado ja̧dëa ji̧ ja̧di ta̧rëri̧ yo̧mȩrȩ yo̧rëremȩdejȩ Ichiae judi: —Danȩ, mȩnȩ Ütë tjamo̧ pio ju̧i̧ ja̧ Joja tjamo̧rä judi, jabechji̧ daburäpȩmo̧ chiquivä —yo̧a̧dejȩ—. Jabechji̧ go̧ȩpea̧ oa cjiarëremȩde ma̧ȩ üdë mȩnȩ chjadëri̧ jida̧ oa cjiapea̧ pio ju̧i̧ chjiari. "Aja̧, Ütë tjamo̧ judi yürüa̧ mu̧i̧tjoi̧ pio judiro̧ chjadëri̧ jidapadiro̧mȩ" yo̧mȩ ma̧ȩ üdë go̧ȩpea̧ oa cjiade. Ado pio yoa ma̧ȩbo go̧ȩpea̧ oa cjiade ji̧dëri̧. "Jibëa̧ mu̧i̧tjoi̧ pio judiro̧ jibëa̧ ichira̧ idapadiro̧mȩ mȩnȩ ta̧dëräpȩ ju̧ri̧ ju chjichji cjatächea oa, mȩnȩ gitoi̧ dari̧ tarachea oa." Aja̧, ja̧di ta̧rëri̧ go̧ȩpea̧ oa cjiade ma̧ȩ üdë peaja̧di. Pio ju̧i̧iä jabechji̧ daburäpȩmo̧ chiquivä —yo̧a̧dejȩ Jechu ju̧i̧ Ichiae judi. Jabo Jechu judi ja̧di ta̧rëri̧ dëbë yo̧a̧dejȩ: —Jabo danȩ, ja̧di ta̧rëri̧ yo̧diibe ma̧ȩ üdë peaja̧di. "Jabechji̧ dibëa̧ Ano̧mȩ Ütë pio ju̧i̧ ütarami̧ dari̧ japadëchji̧jo̧ȩ. 'Aja̧, ¿napai̧rä yuro jidapadicoada Ütë tjamo̧ judi, ¿napai̧rä yuro a̧dopadicoada, cüdë ca̧ea̧ ma̧na̧ri̧ jo̧rȩtamȩrȩ japarä judi, judi yo̧dëa̧ pio ju̧i̧ japarä judi, ¿napai̧rä yuro jidapadicoada’ quëna̧ jo̧rȩtaji̧ri̧rȩ ütarami̧ dari̧ japadë matäreji̧ri̧rea̧ro̧jo̧ȩ Ütë tjamo̧ ju̧i̧" yo̧diibe ma̧ȩ üdë. Ado pio ju̧i̧iä cjäri̧ marequede, daburäpȩmo̧ chiquidëparequede jabechji̧ —yo̧a̧dȩjȩ Jechu judi.