Popular Bible Verses from Go̧dürea̧ Ma̧ȩ 2

Share

Ado Ütë tjamo̧ judi ta̧rërëremȩdejȩrȩ. Aja̧, jënȩ Abaraa̧ ju̧i̧iäpȩmo̧ yo̧rërea̧ ma̧ȩ pio ju̧i̧ jo̧rȩtamȩrȩ ta̧rërëremȩdejȩrȩ. Ado jënȩ Icha ju̧i̧ yo̧rërea̧ ma̧ȩ pio ju̧i̧, jënȩ Jacobo ju̧i̧ yo̧rërea̧ ma̧ȩ pio ju̧i̧bo jo̧rȩtamȩrȩ ta̧rëa̧dejȩrȩ. Jabomo̧ ta̧rëdëa̧dejȩrȩ jabo darëremȩdejȩrȩ peaja̧di. Bücjüri̧ cjiamȩrȩ daea̧dejȩrȩ. Conȩda̧ oa cjo̧ro̧ji̧ri̧ oa, tjätjäpë ja̧bepe cjiaji̧ri̧ oa, pjarao̧ ja̧ mu̧i̧tjoi̧ maea oa cjo̧ro̧ji̧ri̧ oa darëremȩdejȩrȩ icharaita ji̧ri̧.

Japamitë ana̧ chjätä ëte Ejitoräpȩ cjo̧ro̧mȩ ütë judi, pjarao̧ pio judi ja̧boa̧de. Jabo icharaita judiro̧ järätä chjaparea̧rea̧ datärea̧ ji̧, cjiatäcjiarea̧ datärea̧ ji̧, cjäri̧ madirȩ, cjatäcjiarea̧ dadëa̧dirȩ. Jabechji̧ mu̧i̧tjoi̧ maearë tjätjäpë ja̧bepe cjiaji̧ri̧rȩ cjo̧ro̧rëreji̧ri̧dirȩ, ma̧i̧ dari̧ conȩda̧ oa cjiaji̧ri̧rȩ. Ado pio ju̧i̧iä goë cjo̧dërëreji̧ri̧diro̧jo̧ȩ Ütë tjamo̧ ju̧i̧iä pio jibë a̧dotä.

Ado boi̧chji̧ judi japamitë chjätä ëte, ütëchjai̧pe bagarëremȩde. Ado ütëchjai̧pea̧rä, jabë boi̧chji̧rä, jojini̧ jini̧ ëba baärëreyi̧nȩjȩ pjarao̧ jojabi pio ji̧iäpȩ. Ado jibëa̧ jami̧ da oa ütëparȩa̧nȩjȩ. Ado quȩpea̧nȩjȩ. Moiche quȩra̧ pio ju̧ri̧ra̧ quȩparëreyi̧nȩjȩ. Ado pjarao̧ jojabi pio jini̧, 'Aja̧, cüdë boi̧chji̧ ju̧i̧ uiri judiri go̧dü tänȩa̧ oaiä, jabechji̧ Moiche quȩra̧ pio ju̧ra̧ quȩpatäreyi̧cuni̧da' quëna̧ jo̧rȩtayi̧rȩ quȩparëreyi̧nȩjȩ.

Ja̧dëa ji̧ jini̧ro̧ ado chjereno̧ jana̧ ji̧, pjarao̧ jojabi pio jini̧ yo̧a̧nȩjȩ joji̧ni̧ ji̧: —Jabechji̧ goa baävä boi̧chji̧ ju̧i̧. Chjadëri̧ jidaju̧i̧. Chjuchju yürüju̧i̧. Ado mȩnȩ jida̧ ba oa ba ano̧pacama̧ —yo̧yi̧rȩ yo̧rëreyi̧nȩjȩ boi̧chji̧ arayi̧ ji̧ pjarao̧ jojabi pio jini̧.

Ja̧dëa ji̧ pjarao̧ jojabi pio jini̧ bearäpȩ go̧düdäräa̧nȩ ui choapea̧ oa. Ado jënȩ ui choa nöta jibëa̧ mu̧i̧tjoi̧ jini̧ro̧ tai̧rëreji̧ri̧ni̧rȩ bea yuroro. Ado ja̧dëa ji̧ pjarao̧ jojabi pio jini̧ chjaodëri̧ daea̧nȩjȩ taio oa pada cärä chjarerä pjurëmȩ oa. Ado chjadüa̧nȩjȩ jibëa̧ mu̧i̧tjoi̧ oa pio jȩaiäpȩ ida jana̧tä.

Moiche judi üi̧padäräa̧rä goëdaepea̧dejȩrȩ jibëa̧ pumȩ ji̧ri̧, ebereo pio ji̧ri̧. Ado irä darëremȩdejȩrȩ ejichio judiro̧ ma̧i̧ dari̧ tänȩa̧ oa cjiaji̧ri̧ oa. Mu̧i̧tjoi̧ mape baga̧ji̧ri̧ oa, gitoi̧ dari̧ ja̧bepe cjiaji̧ri̧ oa, a̧dë chjäte to̧bari̧ ja̧bepe cjiaji̧ri̧ oa darëremȩdejȩrȩ. Ado tai̧mȩrȩ daea̧dejȩ ejichio ju̧i̧ ebereo pio ju̧i̧ goae tarari̧ bidë cjaeämȩ oa, jibëa̧ pumȩ pio ju̧i̧ bide cjaeämȩ oa. Ado Moiche judi ejichio pio ju̧i̧ ja̧bo tänȩrea̧ jo̧rȩtamȩrȩ oëra̧ti̧ oa mire daeno̧a̧de. Ado eami̧ pumȩ oa dadëa̧ oaiä, jabechji̧ gu̧neno̧a̧dejȩ ejichio ju̧i̧. Ado chjaodëri̧ cjae na̧reno̧a̧dejȩ jibëa̧ icjara oa dabu nȩgȩ marä chjadëri̧ goadipea̧ oa.