Popular Bible Verses from Da̧de 7

Share

Ado ja̧dëa ji̧ charea̧ ba chia tjamo̧ro chamȩ pio judi tjamo̧ yo̧rea̧ yürüa̧dejȩ pio ju̧i̧ ja̧ dëbëräpȩmȩ oa, judi a̧dë chjäte chiri Ütëmȩrȩ cjo̧ro̧pea̧ oa. Ado a̧dë chjäte tatari̧ cjiamȩ jauëchjarea̧ oa yürüa̧dejȩ peaja̧di. Aja̧, pio judi tjamo̧ yo̧mȩrȩ cjo̧ro̧pea̧ oa, chiriräpȩti̧ oa cjo̧ro̧ji̧ri̧ pio judiro̧ pio ju̧i̧ ja̧ chja̧oerämo̧ cjo̧ro̧pea̧ oa, yürüa̧dejȩ tjamo̧ yo̧rea̧ oa, pumȩ judiro̧ ütëbodärärë pio ju̧i̧iäpȩmo̧ ma ba chia dapea̧ oa. Aja̧, ado cja̧rȩmo̧ chiriräpȩ cjo̧ro̧ji̧ri̧ pio judiro̧, ado cja̧rȩmo̧ tarurea̧ chiaji̧ri̧ pio judiro̧, ado cja̧rȩmo̧ ma̧ȩ oa ni̧bäji̧ri̧ pio judiro̧ pio ju̧i̧ chjadëri̧ ta̧rëdiäpea̧ oa tjamo̧ yo̧rea̧ yürüa̧dejȩ. Ado ja̧dëa ji̧ judi a̧dë chjäte chiri Ütëmȩrȩ cjo̧ro̧ro, jabechji̧ bucho ana̧ tjamo̧ yo̧mȩrȩ cjo̧ro̧pade yuroparea̧ decjiari̧. Jabechji̧ ado cja̧rȩmo̧rȩ boadärärea̧mi̧dëri̧ tjamo̧ yo̧mȩrȩ cjo̧ro̧pade, ado cja̧rȩmo̧rȩ goarijä tänȩrea̧mi̧dëri̧.

Ado cüdë gȩnȩrä ji̧dë u̧i̧ darämi̧ cjia nö̧ta, jabechji̧ a̧dëri pio judiri birë ma̧na̧mȩ oa darämi̧ cjiaremȩreconȩ cja̧rȩmȩ oa, go̧a̧ra̧ ë chjarerä ma̧na̧mȩ oa. Pumȩrȩ Ara̧ Tjamo̧mi̧ da oa daea̧reconȩ. Ado Pearä judiräri ja̧mȩ Ütë pio ju̧i̧iäpȩ ëba jäa̧diro̧jo̧ȩ pio ju̧i̧ ja̧ dëbëräpȩ.

Ado ja̧dëa ji̧ a̧dë chjäte Ütë pio judi ano̧ mire ütë tänȩpadejȩrȩ jënȩ mitëa̧ pumȩ pio ji̧ri̧. Jabechji̧ chiri ütërëreji̧ri̧ pio judiro̧mo̧rȩ tjamo̧ yo̧rea̧ chiaji̧ri̧rȩ cjo̧ro̧rërea̧ ji̧, jabechji̧ tjamo̧ yo̧rea̧ ano̧ mire yürüpadejȩrȩ jënȩ mitëa̧ pumȩ pio ji̧ri̧. Aja̧, pio ji̧ri̧iäpȩmo̧ ano̧ mire yürüpadejȩrȩ pio judiro̧ chiri ütëji̧ri̧rȩ ano̧ mire cjo̧ro̧pea̧ oa, chiriräpȩti̧ oa cjo̧ro̧ji̧ri̧ judiro̧ pio ji̧ri̧ ja̧ chja̧oerä ano̧ mire cjo̧ro̧pea̧ oa. Jabechji̧ a̧dë chjäte Ütërë yo̧a̧ chja̧oerä cjo̧ro̧rea̧ üdë, bucho ana̧mȩde. Yuropadëmȩde. Ado chiriräpȩti̧ oa cjo̧ro̧ji̧ri̧ ütëti̧ pio judiro̧ pio ju̧i̧ ja̧ ma̧ȩrämo̧ cjo̧ro̧padirȩ, pio ju̧i̧ ja̧ oa jabepë yürüji̧ri̧rȩ —yo̧mȩrȩ ni̧bä chjaoremȩdique mu̧i̧tjoi̧ üdë cüdë ji̧ra̧ oa darämi̧ cjia̧ ji̧.

Jabo ja̧dëa ji̧ cjiadiäa̧ japamitërä pio jiro chiri ütë cjo̧ro̧ji̧ri̧ pio judiro̧ yuropea̧rä, jabechji̧ a̧dë chjäte Ütë pio judi jibëa̧ pumȩ pio ji̧ri̧ tjamo̧ yo̧rea̧ yürüpadejȩrȩ, pio judiro̧ ano̧ mire ütëji̧ri̧rȩ cjo̧ro̧pea̧ oa, chiriräpȩti̧ oa cjo̧ro̧ji̧ri̧ pio judiro̧ pio ji̧ri̧ ja̧ chja̧oerämo̧ ano̧ mire cjo̧ro̧pea̧ oa, judiro̧ yuroparea̧ decjiari̧ chiri ütëji̧ri̧rȩ cjo̧ro̧pea̧ oa, bucho ana̧ —yo̧mȩrȩ ni̧bä chjaoa̧dique charea̧ ba chia queri̧räpȩ cjiamȩ mu̧i̧tjoi̧ pio judi.