Popular Bible Verses from Chamue Ma̧ȩ 1 16

Share

Jabo Jeova judi yo̧a̧dejȩ Chamue ju̧i̧: —Cjäri made. Judidëde. Pio ju̧i̧ mitëdëa̧reconȩ. Jabechji̧ dairimo̧ ütarë darea̧mi̧dëde. Dëdë, pumȩ ütëde, ju chocodëde. Üi̧ chjacjiamȩde jabo mitëdëa̧reconȩ. Pumȩ judiro̧ ütarë dami̧ ütarë dadëmȩrequede cüdë. Jabechji̧ pumȩ judiro̧ dai oa pio ju̧i̧mo̧i̧ ütarë dadirȩ, jabo ja̧didërequede cüdë. Chji̧räpȩmo̧ cjacjarë damȩrequede. Pio ju̧i̧iä mitëdëa̧reconȩ ju̧i̧ —yo̧a̧dejȩ Chamue ju̧i̧.

Ado Chamue judi Jeova pio ju̧i̧iä ta̧rëa̧ oaiä, chjaodëri̧ mitërëremȩdejȩ yo̧ chiamȩ joë oa. Ado ju̧i̧ ja̧ ayima̧i̧ pio ji̧ri̧ ja̧ dachoro yo̧ra̧ gu̧ro tänȩrëremȩdejȩ ütë tänȩpea̧ oa. Ado chjaodëri̧ cjiadärärëremȩdejȩ Davi ju̧i̧ Jeova ja̧ Tjo judi. Ado pio judiri yurori ëba cjia marëremȩdejȩ a̧dë baärea̧ decjiari̧. Ado ja̧dëa ji̧ Chamue judi baärëremȩde jibëa̧ bëräpȩ, Damaräpȩ.

Ado pio ji̧ri̧ ütëbo oa ütarë da ëte, Chamue judi iëno̧ë ta̧rëa̧dejȩ Jeche ju̧i̧: —Jabo danȩ, ¿pio ji̧ri̧mo̧i̧ ëbanȩ mȩnȩ? Ado cja̧rȩmo̧ ja oa ¿ëbadënȩ? Ado Jeche judi dëbë yo̧a̧dejȩ: —Dëdë, cja̧rȩmȩrȩ jabëdiäa̧de durimȩ tjamo judi, Davi quȩmȩ pio judi. Jabo oveja oa jidamȩrȩ cjiadiäa̧de chiriräpȩ. Jabo Chamue judi dëbë yo̧a̧dejȩ: —Jabechji̧ ma̧ȩ chjadüjo̧ȩ jana̧tä. Pio judi jana̧rämo̧ goe gu̧rori̧ yürüparea̧ro̧jo̧ȩ Jeova ju̧i̧iäpȩmo̧. Jana̧täde —yo̧a̧dejȩ.