Popular Bible Verses from Roma 13

Share

Pei anu kita mangika ewa wimba lengko i mPue Yesu Kerisitu. Ne’e kita ojo mampobuuka ewa wimba dataika mangabanang pampobuuka ngkita to masae.

Ne’e kita kainda resi sa’e kasimbalinya inda to re’e resi kita samparia. Etu semo kita taa maya taa masiporayang. Apa tau to mamporayang yununya, tau etu mangabanang porenta i Musa.

Wali anu kita samparia mangaluluka songka mpomarenta. Apa tare pomarenta to si’a i Pue Allah mangawaika kuasanya. Samparia pomarenta to re’e paka napakatantuka i mPue Allah.

Lino si’i raporapaka ewa ri raya mburi apa saba dosa, pei si’i-si’i ewa mosueomo. Tamo masae daeom. Wali anu kita mamposaka yau palaong to maja’a to raporapaka ewa mawuri, pei pake wo’u anu to masipato rapake ri raya ngkareme. Anu to etu raporapaka ewa parewa to naposunsuka ntentara to mangajagang koronya tempo ia yau damangewa balinya.

Wali ane kita mamporayang yununta, kita taa kojo damangika anu to maja’a resi ia. Wali see naka kita ane mamporayang yununta, kita mangabanang porenta i Musa.

Wali anu kita mangawaika sira samparia to masipato rawaika. Ane tau to masipato mangantima asele, anu kita mangabayar asele etu. Ane tau to masipato mangantima anu to yusa, anu kita mangabayar anu to etu. Pasi ane tau to masipato rapakabae pasi ra’angga, anu kita mampakabae pasi manga’angga sira.