Popular Bible Verses from Matius 13

Share

Pei ane liano to rasawu kono ri tana to maboko, tana etu batuanginya tau to mampodongeka kojo kareba etu pei manasanya see naka yako pangayanya mawali boros wuanya. Wali pangaya ntau etu ri kareba etu raporapaka ewa pinumuya to mawua, re’e to mampowuaka satu ngkani kaborosinya yako to rasawu, re’e to mampowuaka ono mpuyu ngkani kaborosinya yako to rasawu, pasi re’e to mampowuaka togo mpuyu ngkani kaborosinya yako to rasawu.” Wali ewa wetu nato’o i Yesu mampakanasaka kami to anaguruNya batuanginya rapa mangkonong liano etu.

Panewa re’e wo’u liano to kono re’e tana to nja’u junju nu rui. Wali tana to nja’u junju nu rui etu batuanginya tau to mangandonge kareba etu pei sira taa mangaluluka kojo apa sira ojo moru-moru mampobuuka katuwunya ri lino si’i pasi sira mampobuuka kojo kasugi to naporani nsira. Wali pangaya nsira ri kareba etu ewa pinumuya to taa mawua.

Wali liano etu batuanginya kareba mangkonong ewa wimba i Pue Allah damawali Makole nto lino. Wali tempo tau mangandonge kareba etu pei taa manasanya, tempo etu ma’i i Kepala nto pantipu pei mangoko yau kareba etu yako ri pampobuuka nsira. Wali palaong to etu semo to raporapaka ewa liano to rasawu to kono ri jaya pei to natungku yau ntonsi.

Wali liano to kono ri tana to ri rapa mbatu, tana etu batuanginya tau to mangandonge kareba etu pasi mansaka ndende raya nsira mangantima. Pei pangaya nsira ri kareba etu ewa liano to taa maroso kalenya apa sira taa maroso rayanya pasi taa seja inso rayanya. Wali tempo sira mangarata kasusa bara kasesa apa saba sira mangaya kareba etu, taa masae sira mamposaka yau pangaya nsira etu.

“Wali mangkonong i Pue Allah mawali Makole nto lino, palaong etu raporapaka ewa kasugi to rawuni nja’u nawu. Wali re’e tau to malinja liu ri nawu etu pei mangarata kasugi to rawuni etu. Wali ndende kojo tau etu see naka ia mangawuni yau muni kasugi to ratanya etu pei yau mangampobalu samparia ngaya-ngayanya see damangarata doi. Roo see ia yau mangoli nawu etu see kasugi to rawuni reria damawali seja ia puenya apa bae kojo batuanginya kasugi etu.

Panewa re’e seja liano etu to kono ri tana to maboko. Wali liano etu magaya kojo tuwunya panewa rata temponya mawua ia mampowuaka wuanya re’e to satu ngkani kaborosinya yako to rasawu, pasi re’e to ono mpuyu ngkani kaborosinya yako to rasawu, pasi re’e to togo mpuyu ngkani kaborosinya yako to rasawu.

Biakamo ruyu lee etu tuwu siwaka pei pae sampe rata temponya darapangampota. Wali tempo etu semo dakuto’oka tau to mamota mangarabus ruyu lee etu pei manganso’o, panewa rapanasoka yau ri apu. Roo see sira maya mangampota pae pei mangkalisoka nja’u raya ngkondangku.’ Ewa see nato’o nto panawu resi to papolaonginya.”