Popular Bible Verses from Lukas 2

Share

Apa seo si’i nja’u Betlehem, kota to nakaroo i Makole Daud tempo owi, rapoanakamo to Pansompo ngkomi. Ia i Kerisitu, Makole parajanji i mPue Allah, i Pue semo.

Pei pomakau i mPue etu manganto’oka sira, “Ne’e meka! Apa aku rata mangangkenika komi kareba matao to damampakandende raya ntau samparia.

“I Pue Allah rabarong ndate saruga, tampa to malangan kojo. Pasi ri lino si’i, tuwu-tuwuja dare’e kasingkatao ri oyo ntau to mangarata kanoto i mPue Allah.”

Wali i Yesu kanjo’u-njo’u tiduga-dugang kapandeNya pasi kabaeNya. I Pue Allah masanang kojo resi Ia pasi yunuNya to lino masanang seja resi Ia.

Wali intamo pei liwu Ia. Ewa si’i tondong see ane nurata ngkomi danunsanika Ia: Komi damangarata Ana kodi to rajamumuka kain pasi rauli ri raya ndula, tampa rapampokoni binatang.”

Wali wuri etu re’e bara sawei mba’a to pangkampang domba to mangangkampang dombanya nja’u pada to taa longko kojo yako ri kota Betlehem. Tempo sira mangangkampang dombanya etu, kodi majoli re’e samba’a pomakau i mPue yako ri saruga rata resi sira. Pasi reme i mPue to makilo kojo mangansindo sira. Wali meka kojo raya nsira.