Popular Bible Verses from DOMAANO 8

Share

Cönwanno cowaanäcäiñe na tameedä tujummannamo jäcäiñe töweeja’dä’e weneenedö aashichaatoje Wanaadi tönnöe yeichö, ñanno tumjummadö woije töna’dejja’jödö jäcäiñe.

Yoowanääcä na anejja cönsancwajoojaiñe’da yeichö Wanaadi jonno, cujummatäiñe’da yeichö wetä yaawä. Wäämanä cösancwajoojaiñe’da na chojonno, edä nono de’wä weiñä mmaja, amoode caju ñancomo mmaja, odo’shancomo jäduuja’como mmaja, eduuwa weiñä naadö mmaja, äcuude weiñä na’dedö mmaja, cawoono mmaja, co’dhejeiñano mmaja, tameedä Wanaadi namoode’nädö mmaja cösancwajoojaiñe’da na dea Wanaadi jonno. Tameedä yää jona’da yeichöje Wanaadi nijummadööje caato’de. Cujummatäiñe töweichö töwö Wanaadi cöneenejoi Cädhaajotoncomo Jesuuquidiito ai.

Epíiditu Santo cö’wa’tätäiñe weneene jäduuje’da cöweichöcoomo. Cönwanno cowaanäcäiñe’da na Wanaadi wwä wa’deunä. Töwö Epíiditu Santo dea cöjääcäiñe Wanaadi wwä töwa’deuwe weneene wa’deuto’jönö que.

¿Aaquene yaawä, quee ’ja? Wanaadi cöjaadäiñe yeiya’jäcä ¿änääcö cutu’de’tätäädö deeade’ ?

Yääje yeijäcä ännanö’jai’cha naato eduuwa ñanno Jesuuquidiito jadoncomo, ñanno tujuunucoomo nijummadö woijemjöncomo, Epíiditu Santo woija’como.

Yää tujuunu nödöödö encano’tädö wäämatoojoje noowonö’jaca; Wanaadi nödöödö encano’tädö mmaane yeichöödoto weiñä daja nejoodöja, täncanoode’da weichojo mmaja.

Yääje yeichaame, töwäntunaanö’emööje cöweichaameiñe, to’jodheinchaane e’jodheinchajai caato ñäädä cujummaneichomo ni’wa’tädö que.

Joojemjönööje öwwä nichö’ta eetä töwäntunaanö’e cäänetäänedö, äcuude aashicha cöweicho’como naadö o’näde.

Yääje yeiya’jäcä ¿ane’cäämö cösancwajoojai ñai Quidiito jonno, cujummatäiñe’da yeichö wetä yaawä? ¿Wäntunaanö’nä ’ja, cone’da weiñä ’ja, wätä’maminchajoonä ’ja, ämi dhetuncadö ’ja, töwonque’da weiñä ’ja, tönoiñato ’ja, wäämanä ’ja? Ng’jn, tameedä mädoocomo cösancwajoojaiñe’da na Quidiito jonno, cujummatäiñe’da yeichö wetä.

Ñäädä Wanaadi tameedä tö’tajä’nä dhowaanäcä na; töwö dhowaanäcä na Epíiditu Santo wa’deuwödö töwwä, ñäädä Epíiditu Santo Wanaadi woije dea töwa’deuwe yeijäcä shootoi jäcäiñe.

Tameedä ñanno Epíiditu Santo nanontädö woija’como Wanaadi nnacoomoje naato.

Ñanno tujuunucoomo woija’como tujuunucoomo nödöödö mma nencano’taato; ñanno Epíiditu Santo woija’como mmaane Wanaadi nödöödö daja tödö’se naato.

Wanaadi cöwwäiñe Tönnedö jadä’jödöödä aneewontä’da cöneiyacä; tu’eene cuntui cöjääcäinchädäiñe töwäämaamöje. ¿Aaquene mmaja tameedä anejja cöwwäiñe äntu’da eijai ñai Tönnedöödä cuntuiñe’ ?

Töwö Epíiditu Santo cötö’tamme’jotäiñe weneene Wanaadi nnedööje cöweichöcoomo. Wanaadi nnacoomoje cöweijäcäiñe cöwwäiñe töweiyemööje na yää Wanaadi necamma’jödö tu’emö. Yää cöwwäiñe nä’tua’de Quidiito wwä utuudu jadä. Eduuwa Quidiito jäcäinchädä cöwäntunaanö’a’comjäcä, chääjadä mmaja aashicha caato’de

Ñäädä tujuunu nödöödö encano’tänei Wanaadi tu’dedööje na, Wanaadi waanontädö wwä ä’tu’da yeijäcä, ä’tujai’cha mmaja.

Tameedä amoode’naajä naadö jooje niyoomo’ca Wanaadi nnacoomo wä’nejoncadööcomo.

Cönwanno cowaanäcäiñe na tameedä amoode’naajä naadö yentumöödö eduuwa naadö jona tödööene, wodi wensu’dato töweiye naichöje.