Popular Bible Verses from Proverbios 6

Share

Jeobaanö ei 6 täbä nofi wa̦lidiwä wa̦libou. 7 tä ma cui, tä möö bufiomi fe balojowä. Cama bä lä jimöo wei tä lä cui, tä nofi wa̦libou. Bä lä jolemou wei tä ca̦i. No mlai ja bä lä shäö wejei tä ca̦i. Wa̦lidiwä tä lä dayäaö wejei tä ca̦i. Wa̦lidiwä tä jamö bä mamicö lä bälöcöblalou wei tä ca̦i. Bä a̦fa jole lä wäyäö wejei tä ca̦i. Cama bä bälöa dodijidamabou lä mlai tä ca̦i. Ö̦jö tä nofi bluca wa̦lidiwä wa̦libou, Jeobaanö.

Wamacö lä moji wei wamacö lä cui, cowe bä ja bä bufi da möblo. Ö̦jö bä lä cuaaö wei tä ja, wamacö bufi fa daeonö, bä bufi da jaducäicu.

Showadi, moli wamacö nia jo̦wa midou balöo. Moli wamacö nia bälödou fa balölonö, wamacö bococu nia modoleo. Inaja wamacö cuaaö showao däjä, wamacö nö fo̦lili bleaabä, yedu afä tä nia bädou. Täbä madofibö lä lämaö wei a bädou lä culenaja showawä. A waitelimobä a madofi tabolanö, lobe täbä madofibö bluca fucäaö lä showadao weinaja showawä.

U̦asi. Cafä lija faafä ya lä cuinö ya tä tamaö lä bufii wei tä a̦ nofi da jaducälä. Naafänö wa lä damaö wei tä a̦ nofi mojodubo dijä. Ö̦jö tä a̦nö a bufi yai da baushiblamolu. Baushi bä lä jalebou wejeinaja, inaja showawä ö̦jö tä a̦nö a da liyäjäblalu.