Popular Bible Verses from Proverbios 4

Share

Bei a bufi yai da nowamöo. Wa bufi shominajaaö mlaobä, a moyawäa da dodijiicu. Täbä bufi daeo fa balöonö, täbä cuaaö malä majöo wei.

Wa nia lä cuaaö wei tä ja, a bufi da moyaweicu. Wa bufi moyawä ca̦i bälöaö däjä, wa cuaaö lä bädao wei jamö ma cui, dodijidawä wa nia cuo.

A jolemo dijä. Wa wa̦ wa̦lidiwä lä faö wei tä lä cui, tä da blajamalö.

’Wa bufi yai jaducäblobä, abenaja wa yai cuaabä. Bufi jaducäwä tä lä cui, tä nofi mö da blucabo. Madofi wa bä däaö bufii ma doblao wei ma cui, bufi moyawä tä shi̦lo yai da dälä.

Ö̦jö ma cui, bä lä dodijaö wei bä lä cui, bä bufi walalawä ca̦i bälöaö yalo, motoca shi̦i balaö lä cuaaö weinaja, bä dodijidawä balafälöö. Ya̦cumö motoca a yo̦loloblou däjä, a mömou shi dowäjäwä lä culenaja showadawä. ¿Ö̦jö tawä? Bä doblou lä mlai bä lä cui, tä mö didi suble jamö bä fuu. Bä lä wäcäcamaö wei tä lä cui, tä daimije. Bä bufi dao mlalanö bä nö mojodili bleaafälöö.

Bufi jaducäwä tä lä cui, tä daa dijä. Bufi jaducäwä wa tä nofimaö ja, ö̦jö tänö wa bayeliblou cuquei.

Wa lä yömölaö wejei, bä a̦ da lofotolä. Tä a̦ fuje dijä. Ö̦jö tä a̦ ja, a bufi mö shi̦lo da blucaicu. Wa lä yömölamou wei tänö wa dodijidawä cudiobä tä malä cui.

Bä doblou lä mlai bä lija a nocaa dijä. Wa̦lidiwä talewä bä lä cuaaö weinaja, a ca̦i cuaa dijä.

Ijiluyä wamacö. Faafä yanö bämacö yömölaö ja, wamale a̦ da ji̦lilä, bufi walalawä wamacö yai cuobä.