Popular Bible Verses from Números 22

Share

A shäa fa co̦lönö, yalo a ma cui, Jeobaanö a wa̦ famalema. Balaama nija abinaja bulo e cuma. —¿Wedinaja bäfä li taamaö ja, 3 wale li shäö dicoa cule? —a cuma.

Ö̦jö däjä, Jeobaanö Balaama nija a̦jele a damalalema. Sibala a bada showabolanö, bei yo jamö a läoma. A fa dalalönö, yedu mashita jamö Balaama a möfe boblaquema.

Jeobaa etä a̦jele lä cuinö, abinaja Balaama a nowa tama. —¿Wedi tabä yalofä 3 wa si li yafelimaö cuaaö cufe? Bäfä li yai doblamaö lä mlai, camiyä ya li yai läa mö baa. Wa lä cuaale tä wa̦lidiwä. Ya tä bufiimi cudeenö, ya läa lä cuboyoi.

Ö̦jö däjä, bulo a wa̦ faö co̦oma. —Uo. Wale malä dale. Yedu jamö, wa oshe lä cuono wei däjä ma cui, bäfä showadi da döcömaboblei ya showawä malä cui. Inaja ya cuaaö bädaobä ya malä mlai. —Bejedi lä —Balaama a cuma—. Inaja wale tamaimi.

Abinaja Balaama a cuma. —Jai wale nö waiblaö wale ca̦i cuaablalou fa dicoonö, bäfä si li yafelimaö lä cufe. Sibala ya yai bou fa cunoja, bäfä nö shäa cadidilebö wei —a cuma.

Ö̦jö däjä, bulo anö Jeobaa etä a̦jele dablaö däjä, Balaama a befi ca̦i yälädaquema. Ö̦jö däjä, Balaama a yai bejedi fa jushudalunö, efi lä showabono wei efinö, a shäa co̦lema.