Popular Bible Verses from Mateo 5

Share

Cowa wacö ömöamaöje däjä, wöö anö wacö fe nia yojobou majöo malä mlajei. Ma, wacö i̦taobä jamö wacö nia yai i̦tabouje, yafi jamö bä lä cule bänö täbä dablabeje. Inaja showawä, shi̦i wacacawä wamacö lä cui, wawädowä bä da damolalu. Wamacö dodijaö fa dalalöjenö, Faafä a lä culadi a wa̦fa doblao tabeje —a cuma.

Abinaja Jesús e cuma. —Bita jamö täbä bluca lä bälöblai wama täbä wacacamabobä wamacö shi̦i, Yai Bada nija bä cadidofälöbä. ¿Ö̦jö tawä? Jefu tä bololo jamö a shabono cuo ja, a nia jo̦yao malä mlai. Inaja showawä, iba wamacö nia wawädowä lä dablamou wei wamacö.

’Yai Bada nija täbä bufi mö yai lä blucao wei bä lä cui, ö̦jö bä bufi yai doblalobä cäbä. Wawädowä Yai Bada a nia malä dablaö wejei.

’Yai Bada nija bä cadidou bufi lä doblao wei bä lä cui, ö̦jö bä bufi yai doblalobä cäbä. Yai Bada tänö bä bufi nia malä doblamabou wei.

’Einaja bä jaba ma cuno wei ma cui, abinaja bämacö nowa taö lä cule —a cuma—. Wamacö nofi lä wa̦libou wejei bä ma cui, bä da nofimaje. Wamacö nö lä bleaamaö wejei bä ma cui, Yai Bada nija bä nö bayeli da nacaje

—Yai Bada nija bä jömöo lä mlai bä lä cui, ö̦jö bä bufi yai doblalobä cäbä. Yai Bada tänö bä ca̦i malä cule.

’Täbä bufi lä yanöcömabou wejei bä lä cui, ö̦jö bä bufi yai doblalobä cäbä. Yai Bada ijilubö ebä a̦fa nia malä jilamou wei.

’Bä lä ö̦cöö wei bä lä cui, ö̦jö bä bufi yai doblalobä cäbä. Yai Bada tänö bä bufi nia lojodomabou fe malä yadio wei.

’Täbä dodijaö yalo, bä nö lä bleaamamou wei bä lä cui, ö̦jö bä bufi yai doblalobä cäbä. Yai Bada tänö dodijidawä bä nia ca̦i malä bälöo wei, ¿ö̦jö tawä?

’Täbä nofi lä ojodabou wejei bä lä cui, ö̦jö bä bufi yai doblalobä cäbä. Yai Bada tänö cama bä nofi nia ca̦i ojodabou mö malä feduo wei.

’Camiyä wamale bufii yalo, wamacö a̦fa ma lafumaöje däjä ma cui, wamacö bufi doblalobä wamacö. Wamacö nö ma bleaamaöje däjä ma cui, wa̦lidiwä tä bluca ja wamacö a̦fa jole ca̦i ma taö wejei ma cui, wamacö bufi doblalobä wamacö. Inaja wamacö taamaöje däjä, bä bufi shino da doblalo. ¡Bä bufi doblalou da dodijio! ¿Ö̦jö tawä? Fedu fedole jamö wamacö nia dobämou fe malä balojoo wei. Cama bä nö badabö ma cuinö, inaja showawä Yai Bada a wa̦no wäyälewä bä nö bleaamaö malä balöono wejei. Ö̦jö bä owäbou nodia dicoa lä culajei.

’Bä bufi lä oquei bä lä cui, ö̦jö bä bufi yai doblalobä cäbä. Yai Bada tänö dodijidawä bä nia malä tabou wei, tä a̦ wäa lä taqueno weinaja showawä.

’Bei —Jesús a cuma—. Cafä wamacö lä dodijaö wei tänö, jai sayu wamacö cuwä, wama täbä dodijidawä tamabobä. ¿Ö̦jö tawä? Ö̦jö ma cui, bä sayu oquediblou dicoo ja, bä nia mödadiblou lä co̦o wei etä cuami waiquiwä. Bä oquediwä waiquiwä yalo, bä nia bufiblamou co̦daaimi. Sibo jamö bä fa joyalöjenö, bä nia cadicaö buoje. ¿Ö̦jö tawä? Inaja wamacö cublou dicoo ja, wamacö nofi nia tamamoimi majöo.

Ma. Faafä a lä culadi a doblaa lä culenaja, wamacö cuo mö feduobä wama ecö.

¿Ö̦jö tawä? “Awei”, wamacö nia lä cuu wei, bä a̦ nö bejediaö da showadao. “Ma”, wamacö nia lä cuu wei, inaja showawä. Wamacö bejedimou dablamobä, ai wama tä a̦fa jayumaö lä bashiblao wei tä lä cui, ö̦jö fecula bada bei mayo li waiquiwä, a yai lä wa̦lidii a lä cui —Jesús a cuma.

Abinaja Jesús a cuma. —Ei tä a̦ jaba wäyämou lä balöono wei, wama tä a̦ daö waiquiwä. Ai mamo wa̦liaö lä dicoo wei a lä cui, inaja showawä, cama mamo ca̦i nia tablamamou mö feduo. Ai nacö wa̦liaö ja, cama nacö ca̦i nia wa̦liamamou mö feduo. ’Einaja bä nowa jaba ma tano wejei ma cui, abinaja bämacö nowa taö lä cule —a cuma—. Wa̦lidiwä talewänö wa taamaö bädao ja, a nö yuo dijä. Jayu wa boco jamö wa mamoca lä cui, wa mamoca baiaö ja, wa nö yuo mlai ja, ai mamoca mashi lädou da co̦lo.

¿Ö̦jö tawä? Wamacö noshi umlaobä wamacö. Jayu wa boco jamö wa mamo lä cuinö wa wa̦lidiaamaö dicoo ja, wa mamo fa ucäblamolunö mamo da joyamolu, ö̦jo lä. Wa lä bayucui wa ma joyamolayou wei ma cui, inaja buo. Shobali wacö jamö wa mamocu befi ca̦i demi shäyäblamou dicoo ja, bei wa nö shino bleaaö yaiquei. Jayu wa boco jamö wa imicö lä cuinö, ö̦jönö wa wa̦lidiaamaö dicoo ja, inaja showawä. Wa imicö fa bäblamolunö imicö da joyamolu, ö̦jö lä. Wa lä bayucui wa ma joyamolayou wei ma cui, inaja buo. Shobali wacö jamö wa imicö befi ca̦i demi juu dicoo ja, bei wa nö shino bleaaö yaiquei.