Popular Bible Verses from Mateo 22

Share

Abinaja Jesús e cuu nomöjöoma. —Tä a̦ shino yai lä lojode wei, ei lä tä a̦ waiquiwä. Bada wama tä yai nia nofimaö, cafä wamacö nija a bufiblamobä a lä cui. Bufi jaduculanö wama a nia nofimaö, bei wamacö bufi yainö. Wamacö bufi lä cuaablalou wei tä ma cuinö, wama a nia ca̦i nofimaö fe balojoo. ’¿Ö̦jö tawä? —Jesús e cuma—. Ö̦jö tä a̦ shino yai lojode dodijiwä. Ei tä a̦ ca̦i lojode cua mö fedua. Cafä wa nofi jo̦lio lä culenaja, inaja showawä aifä wa bä nofi tabolanö wa bä nofimabä. ’¿Ö̦jö tawä? —Jesús e cuma—.

Einaja wamacö cuaaö däjä, Moisesi wama etä a̦ nofi bluca cadidibou waiquiwä. Yai Bada a wa̦no wäyälewä bä ma cui, ö̦jö wama bä a̦ nofi ca̦i cadidibou mö feduwä showawä.

’¿Ö̦jö tawä? —Jesús e cuma—. Bluca täbä ma nacaablamou wei ma cui, bolacadabö täbä shino yaiamou.

Yai Bada tänö täbä demi jocädamaö co̦o däjä, täbä nia doayou malä mlai. Täbä nia ca̦i suwäbö jöböamou co̦daaimi. A̦jele täbä doayou lä mlainaja täbä li cublou showadalayou —Jesúsnö bä nowa tama.

Ja̦o. Bada tä Sesa befi bä blada lä nacalajei a blada da jöböbaje, ya möblaabä —a cuma. Ö̦jö däjä, blada a jöböquemaje. Ö̦jö däjä, a blada mömalanö Jesúsnö bä wa̦lima. —Ei ¿wedi bei fe nö e̦le? ¿Wedi bei a wa̦fa oni cua cule? —a cuma. —Lomateli bada tä Sesa —bä cuu mö feduoma. —Ja̦o —Jesús a cuma—. Sesa cama etäbä ja, wama a li dobäbä, ö̦jö lä. Yai Bada cama etäbä mö feduwä lä cui täbä ja, cama wama a li dobäö mö feduobä —a Jesús cuma.