Popular Bible Verses from Éxodo 34

Share

Moisesi nija Jeobaa a jayualanö, a wa̦ falayoma. —Camiyä Jeobaa ei ya. Yai Bada ya lä bufiblamou wei ya lä cui, ya bufi asio talei. Ya bä nofi ca̦i ojodabou. Ya jushudou si ijejewämi. Ya bä lä nofimaö wei, ya bä ca̦i lä bayeliblaö wei, showadi ö̦jö tä nia shino bluca wawäö. Obi, yedu jamö ma cui, ya bä nia bluca nofimaö showao. Bä cadidou ma mlai ma cui, bä nofi ma jushuaö wei ma cui, bä doblou ma mlai ma cui, ya bufi nia asio —a cuma—. Ö̦jö ma cui, ya tä nowa tabobä tä cua ja, ya bufi nia lämoimi. Cama bä ma cui nija, bä ijilubö ebä ma cui nija, bä fääshä ebä ma cui nija, ö̦jö bä ijilubö ebä ma cui nija, ö̦jö bä ma cui nija ya tä nowa nia tabou nodiablalou showao —Jeobaa a cuma.

Ai tä lä bufiblamou wei tä lä cui, wama tä nia lämaboimi. Ö̦jö wama tä a̦fa bada doblao tabä, wamacö möfe nia boomi. Ai ya tä nia bufiblamaö malä mlai. Camiyä ya bufiblamobä ya Jeobaa lä cui, ya bufi jaluo.

Moisesi nija Jeobaa abinaja a cuma. —Bei. Wamale a̦ da ji̦lilä. Ya wa̦ nö nia wäo. Afä bä mamo mötale ja, tä nö lä quilijii ya tä nia bluca wawämaö. Eja ma cui, shomi ja ma cui, bluca bä bälöblawä lä yaiblai bä lä bälöle jamö ma cui, tä jaba dablamono ma mlai ma cui, Jeobaa ya lä cuinö, ö̦jö ya tä nia dablamaö. Cafä wamacö ma cuinö, bä bälöa lä ajedele bä ma cuinö, cafä bluca wamacönö Jeobaa wamale nia lojode dablaö. Bämacö bayeliblafälöbä, bejedi ya nö nia quiliaö.