Popular Bible Verses from Éxodo 20

Share

—Cafä wamacö nija ya bufiblamobä, camiyä bei ya Jeobaa. Ejido jamö wamacö nö lä bleaamano wejei däjä, bämacö lä co̦leno wei, ö̦jö ya. ’Camiyä ya nia shino yai bufiblamou ayao —a cuma—. Ai wama täbä bufiblabä wama täbä ca̦i nia lämaboimi.

’Ö̦jö täbä ja wamacö nö bayeli nacaobä, wama täbä nö nia ca̦i idubö taimi. Judu mösö jamö täbä lä culadi täbä ma cui, wama täbä nö nia idubö taimi. Bita jamö täbä lä cublai täbä ma cui, co̦jomo jamö täbä lä cule täbä ma cui, mau u jamö täbä lä cubodi täbä ma cui, wama täbä nö nia idubö taimi. Ö̦jö täbä nö idubö ja wamacö möfe nia deiomi. Wama täbä a̦fa nia bada doblao taimi. ’Camiyä Jeobaa ya lä cui, cafä wamacö nija ya bufiblamobä ya. Ya bufi lä jaluo wei, ö̦jö ya. Wale a̦ ji̦liblaimije ja, wale nofi lä wa̦libou wejei täbä nija showadi ya nö yuo. Cama bä ma cui nija, bei ijilubö ebä ma cui nija, bä fääshä ebä ma cui nija, ö̦jö cama bei ijilubö ebä mö feduwä bä ma cui nija, ya nö yuo nodiablalou showao.

’Faafä a ma cui, naafä a ma cui, dodijidawä wama bä ca̦i fa cuonö, wama bä a̦ nia juaö, ya tä ulifi lä jöböaö wei jamö wamacö demi cudiobä —a cuma—. Camiyä Jeobaa ya lä cui, cafä wamacö nija ya bufiblamobä ya.

’Wamacö yanöcöobä tä mö jalu sábado lä cui, wama tä nofi nia jalu jaducubou, ö̦jö tä mö li jalu yaiobä —a cuma—.

’Camiyä Jeobaa ya, cafä wamacö nija ya bufiblamobä ya lä cui. Wamale a̦fa nia jole jole jayumaö buomi. ¿Ö̦jö tawä? Wale a̦fa jole jole jayumaö lä buo wejei bä nija, camiyä Jeobaa ya nö yulayou.

Showadi wamacö lä ojodamou wei wama tä taö showao däjä, 6 wama tä mö nia didi tablamaö. Ö̦jö ma cui, wamacö yanöcöobä tä mö jalu lä cublou wei däjä, wamacö nia ojodamoimi. Camiyä Jeobaa ya lä cui, cafä wamacö nija ya bufiblamobä ya. Sábado tä lä cui, camiyä wamale nofi yai jaducubou yanöcöobä, ö̦jö bei tä mö nia jalu yaio. Ö̦jö lä däjä, cafä wamacö ma cui, ijilufä bä ma cui, tääfä bä ma cui, wamacö nia ojodamoimi. Wamacö nosie juamobä wama bä wa̦lo lä tabou wei bä ma cui, wama bä suwä lä tabou wei bä ma cui, ö̦jö bä nia ca̦i ojodamoimi. Cafä wamacö nija a coyocoo lä bädao wei a ma cui, a nia ca̦i ojodamoimi. Wamacö yalobö ma cui, wama bä nia ojodamomaimi.

’Ai a yanobö ja, wamacö bufi nia waiyoimi. Ai a suwäbö ma cui nija wamacö bufi nia ca̦i waiyoimi. Ai a nosie juamobä bä wa̦lo lä tabou wei bä ma cui nija, bä suwä lä tabou wei bä ma cui nija, wamacö bufi nia ca̦i waiyoimi. Ai a yalobö ma cui ja, wamacö bufi nia ca̦i waiyoimi. Baca ebä ma cui ja, bulo ebä ma cui ja, wamacö bufi nia waiyoimi. Tä tabou lä bädao wei tä ma cui ja, wamacö bufi nia waiyoimi waiquiwä —a Jeobaa cuma.

’Aifä wama täbä a̦fa nia jole jole wäyäimi.

’Wamacö nia joleblaloimi.

’Yanowamö wama täbä nia shäimi.

’Wamacö nia tomömoimi.