Ö̦jö cudeenö abenaja Samuel a nowa tama.
—Wa fua fa co̦lufälönö, a blaa da co̦icudu. Bä tä a̦ faö co̦o ja, wa wa̦ fuobä. Abenaja wa e cubä. “A wa̦ da fa. Cafä Jeobaa bä a̦ fuabä cä ya lä cuinö bä a̦ ji̦liaö lä cule.” ¿Ö̦jö tawä? —Elinö a nowa tama—. Einaja wa e cubä.
Ö̦jö cudeenö Samuel a aa fa co̦lufälönö, a lä miono wei jamö a blaa co̦quema.
Ö̦jö däjä, Jeobaa a ublaa fa ajedeblaliyonö, Samuel lija a wa̦ faö co̦oma, a wa̦ jaba faö ja, a lä cuno weinaja showawä.
—¡Samuel! —a cuma— ¡Samuel!
Ö̦jö däjä, Samuel a wa̦ fuoma.
—A wa̦ da fa. Cafä bä a̦ fuabä ya lä cuinö bä a̦ ji̦liaö lä cule —a cuma.