Popular Bible Verses from Romu 8

Share

Animeta meqai nianiia ta kiadama quli vo Baṉara ta uria ereko o eva anime me roquevani mela vo kaqe ni anime o nokaemelani mela voko vatolo kale.

Ako ko aṉa tuvevo a ikako quli ta pulia quli ta kopa pitasimelou anime voko roquano kasi azo, kota pui vou, ni pui saevo, ni pui mateana madu ni pui auvana lekasa poso ni pizato poso, pui komia taku kale ko ereivako quli ni pui koko kilo ama taku kale ko ereilo ama quli, pui peuru ma peuru ko topi vasi ko evako quli ni koko vima ko evako quli —pui koa kiadama quli vo Baṉara o erekema peuru ma peuru kale ikio kopa pitasimelou anime vo Baṉara ko roquano kasi azo vo o mela puarikema vo animevo Lekasa Jisu Karisito kale kude.

Koa omadeuma keve kale inio vo Tabu ala Auvana ta o tauvemela anime animeko lekuleku kale. Ako animeta pui meqai nianiiani mela ko vararaito ko kalo sole; melai o ṉavi Tabu ala Auvana ta o melati zomana vararaito vo Baṉara kasi koa voniu kozato ko anime pui me buratikako kale.

Koa kiadama quli ko zakaremu puto kale ta noi nio kimevou? Vo Baṉara ta o melati vailou, ta lala inio ruqe o imelou ko anime? Puliala!

Maba puliama kuiripato ta ikoana erisaṉa anime omadeu me vati evani mela vo Jisu Karisito animeko saevo kale.

Seke vaekani seko kerukeru tupu ko saevo kale ama quli tona ta komai barolou ko vou, melai seke vaekani seko kerukeru Auvana kale ama saevo ko quli tona ta komai barolou ko tuvevo ama saevo ni bule sama.

Pui, melai kiadama komi quli kale animeta me matu pizatou vo Karisito kale, vo anime o roquemelani!

Aṉata tuvevo a ika ta komia taku keru ama tola anime meqai evako ta pui voko ṉaṉaidara jaria pizato ama ko kasa ko elo ama anime kasi.

Sole loma ikio ko pitasimelo ama anime vo Baṉara ko roquano kasi azo? Ko tapata kio, ma tola, ma maba poso ko niumaemelo, ma nioṉe, ma ozaoza, ma vou ni saevo ko tiania elo, ma vouvato kio? Maba pui!

Ni vo Baṉara vo o keani kiadama animeko bulo kale ama quli, ta o paqumuka vo Tabu ala Auvana ko kerukeru, ako vo Tabu ala Auvana inio o melati zomanani vararaito anime o ṉavi Baṉara ko vaki mela sole, ni vota o vararaita o ṉavi Baṉara ko vatolo kikolani jari.

Seke odiziani vo Baṉara ko Auvana kale se inio vo Baṉara ko meqora poso.

Seke saevani tupu kale ta ke vaeka seko kerukeru tupu ko saevo koka zariako quli topi. Melai seke saevani Baṉara ko Auvana kale ta ke vaeka seko kerukeru voko Auvana koka zariako quli tona.

Tuvevo avole vo Baṉara ta pui, ako vota pui opa kaitive vovo pado Meqora, melai vota o puarive animea kiada mela kaqe! Vota lula o katimele anime vovo pado Meqora, so sole vota mata pui opa mela zariekou utuakoi katimelo anime kiadama uri ama quli, kio? Zio, vota pui opa kaitikou!

O ṉavi Baṉara ko Auvana ta ko bazueka animeko auvana poso ta animeta voko meqora poso mela inio kio. Animeta voko meqora poso mela, sole animeta me qovou koa mauruto ko lula vo o inainaekema voko maba madu kaqe, ni animeta me ṉeamukou vo Karisito sase ko quli ko lula vo ova inainaekema quli, ako animeta meqai zomana vo Karisito ko tola, sole animeta me zomanou voko ṉaṉaidara kale.

So sole voa maba vo o vaekani voko kerukeru komia tupu ko saevo kale ama zario tona ta vo Baṉara vo kana ota eva, ako vota pui o zorika vo Baṉara ko bazu sole, ni tuvevo avole vota pui o rovea zoriko ko kikolani sole.

Kiadama quli koko ereima ta ko matu tareka vo Baṉara ko kasa imo voko meqora poso.

Ako animeta lulavo azo ti kobeta baroa erisaṉa ta meqai nianiia ta kiadama quli koko ereima ta tola sama vo meqora ko alilo keru ama niania ko tola jari ama.