Popular Bible Verses from Roma 16

Share

Tuhan Allah yang biking torang pe hati tetap tenang, jadi kita minta supaya Dia capat-capat mo kase ancor pa Iblis, setang-setang pe raja, kong Iblis itu mo tundu pa ngoni. Deng Kita minta pa Yesus, torang pe Tuhan supaya kase Dia pe bae pa ngoni turus.

Sudara-sudara, kita minta deng butul-butul pa ngoni, ati-ati pa orang yang jaga kase ajaran yang baku beda deng yang torang so ajar pa ngoni. Ati-ati karna dorang suka biking ngoni jadi tapisa-pisa deng biking ngoni jadi ragu-ragu deng ajaran yang torang so kase ajar pa ngoni. Jadi jang badekat pa dorang itu!

Barang orang-orang yang macam bagitu, sebenarnya dorang tara karja untuk Yesus Kristus torang pe Tuhan, tapi dorang karja iko dong pe mau sandiri. Dorang buju deng kata-kata yang kase sadap di talinga pa orang yang masi bolong mangarti mana yang bae deng mana yang tara bae, sampe orang-orang me iko pa dorang pe ajaran yang tara butul.

Mari suda puji pa Tuhan Allah! Dia itu yang ada kuasa untuk biking ngoni pe percaya lebe tamba kuat, karna ngoni so dengar Kabar Bae tentang Yesus Kristus yang kita jaga kase tau pa orang-orang. Kabar Bae itu so lama skali, so deng ratus-ratus taong orang bolong tau, tapi skarang baru Tuhan Allah kase tau pa torang manusia. Kabar Bae itu, Tuhan Allah so janji pa nabi-nabi dulu kong Dia suru dorang tulis itu supaya samua orang yang dari samua suku bangsa tau, kong dorang bole jadi percaya deng iko pa Yesus. Tuhan Allah itu salalu ada sampe slama-lamanya. Cuma Dia saja yang tau samua-samua. Jadi mari torang puji deng hormat turus-turus pa Dia sampe slama-lamanya, karna apa yang Yesus Kristus so biking. Amin.